U Mastoŭskim rajonie šmatdzietnaja maci nabyła pad žyllo zakinuty dziciačy łahier
Šmatdzietnaja maci nabyła na aŭkcyjonie zakinuty dziciačy azdaraŭlenčy letnik u Hrodzienskaj vobłaści, kab pierajechać tudy žyć razam sa svajoj siamjoj, piša Telegraf.news.
Havorka idzie pra spartyŭna-azdaraŭlenčy łahier «Alimpijec», uźviedzieny jašče ŭ 1960‑ia hady i raźmieščany ŭ vioscy Daškaŭcy Mastoŭskaha rajona, na bierazie Niomana.
Tarhi vyklikali niemałuju zacikaŭlenaść, bo startavaja cana kompleksu składała ŭsiaho 210 rubloŭ. U aŭkcyjonie ŭdzielničali siem pretendentaŭ, a padčas dvuchhadzinnych elektronnych tarhoŭ košt vyras amal u 40 razoŭ — da 8300 rubloŭ.
U vyniku pieramožcaj stała šmatdzietnaja maci, jakaja płanuje pieravieści pamiaškańni letnika ŭ žyły fond i abstalavać tam dom dla svajoj siamji. Umovy aŭkcyjonu heta dazvalajuć, jak i viadzieńnie asabistaj padsobnaj haspadarki. Akramia taho, žančyna atrymaje ŭ doŭhaterminovuju arendu terminam na 50 hadoŭ ziamielny nadzieł płoščaj 1,5 hiektara.
Kompleks budynkaŭ ahulnaj płoščaj kala 400 kvadratnych mietraŭ znachodzicca ŭ malaŭničym miescy — kala źlićcia rek Nioman, Zazulka i Jelnia, pobač taksama jość dva voziery. Były letnik raźmieščany za 76 kiłamietraŭ ad Hrodna i prykładna za 230 kiłamietraŭ ad Minska.
U Mastoŭskim rajonie pradajuć za simvaličnuju canu dziciačy łahier
Dziciačy łahier pad Minskam kupili za miljon dalaraŭ, ale ŭžo praz paru miesiacaŭ viarnuli nazad
U Minsku pradajuć vahon ź biznes-sałonam. Cana, jak za niekalki kvater
U Tałačynskim rajonie vystavili na prodaž staruju siadzibu Ciundziavickich
Ciapier čytajuć
Zahinuŭ biełaruski dobraachvotnik Alaksiej Łazaraŭ1
Kamientary