Biskup Viciebski Uładzisłaŭ Blin syšoŭ u adstaŭku, jaho časova zamianiŭ Kisiel
25 lutaha Papa Bieniedykt XVI pryniaŭ prašeńnie biskupa Uładzisłava Blina [h.n. 1954] ab adstaŭcy z kiravańnia Viciebskaj dyjacezijaj u Biełarusi. Adnačasova Papa pryznačyŭ Apostalskim administrataram sede vacante et ad nutum Sanctae Sedis Viciebskaj dyjacezii ksiandza prełata Franciška Kisiela, da hetaha Hienieralnaha vikaryja toj ža dyjacezii.
Ks. Francišak Kisiel naradziŭsia 1 krasavika 1959 h. na Hłybočyńnie. Paśla zakančeńnia škoły i vučoby ŭ Viciebskim technikumie suviazi słužyŭ u vojsku. U 1982 h. pastupiŭ u Vyšejšuju duchoŭnuju sieminaryju ŭ Ryzie, paśla zakančeńnia jakoj atrymaŭ śviatarskaje paśviačeńnie ŭ 1987 h. U jakaści śviatara pačaŭ svajo słužeńnie ŭ łatvijskim maryjnym sanktuaryi ŭ Ahłonie, a potym pracavaŭ ŭ Brasłavie. Vosieńniu 1992 h. byŭ pieraviedzieny ŭ Połack, dzie słužyć užo na praciahu bolš čym 20 hadoŭ. Za hety čas, dziakujučy jaho namahańniam, u horadzie byŭ pabudavany kaścioł sv. Andreja Baboli – simvał adradžeńnia katalictva na Połaččynie. Akramia taho, u susiednim Novapołacku, jon zasnavaŭ parafiju Najśviaciejšaha Serca Jezusa. Ad stvareńnia Viciebskaj dyjacezii ŭ 1999 h. ks. Kisiel źjaŭlaŭsia jaje Hienieralnym vikaryjem.
Biskup Uładzisłaŭ Blin byŭ pryznačany biskupam Viciebskaj dyjacezii 13 kastryčnika 1999 h. dekretam papy Jana Paŭła II. Biskupskuju sakru atrymaŭ 20 listapada 1999 h. z ruk kardynała Kazimira Śviontka.
14 červienia 2006 h. abrany namieśnikam staršyni Kanfierencyi katalickich biskupaŭ u Biełarusi. Źjaŭlaŭsia staršynioj Ekumieničnaj kamisii, a taksama Kamisii ahulnaha dušpastyrstva jepiskapatu Biełarusi.
Kali Kanapackaja stała całkam padkantrolnaja Łukašenku?16
Kamientary