Pad rasijskim Čalabinskam, kala voziera Čabarkul, navukoŭcy Uralskaha fiederalnaha ŭniviersiteta znajšli samy bujny na dadzieny momant askołak mietearyta, jaki ŭpaŭ tut 15 lutaha.
Jaho masa składaje amal 2 kh, paviedamlajuć infarmahienctvy.
Bujny askołak znajšli ŭ Jetkulskim rajonie Čalabinskaj vobłaści. Navukoŭcy vyrašyli terminova zakansiervavać svaju znachodku, kab taja nie akiśliłasia, i adpravić jaje na ekśpiertyzu ŭ Instytut hieachimii i analityčnaj chimii imia Viarnadskaha Rasijskaj akademii navuk. Pry hetym pošuki frahmientaŭ mietearyta praciahvajucca, a znojdzienyja taksama buduć staranna vyvučanyja.
Navukoŭcy nie sumniajucca, što ŭsie vyjaŭlenyja da hetaha času askołki — frahmienty adnaho i taho ž mietearyta, jaki ŭpaŭ u Čalabinskaj vobłaści 15 lutaha 2013 hoda. Mietearytny doždž tady byŭ zafiksavany ŭ piaci rehijonach Rasii: Ciumienskaj, Śviardłoŭskaj, Čalabinskaj, Kurhanskaj abłaściach, a taksama ŭ Respublicy Baškartastan. U vyniku jaho paciarpieli bolš za paŭtary tysiačy čałaviek, u tym liku 311 dziaciej. Materyjalnaja škoda ad mietearytnaha daždžu, pavodle papiarednich acenak, pieravysiła 1 miljard rubloŭ.
U samim Čalabinsku da hetaha času praciahvajucca adnaŭlenčyja raboty ŭ budynkach, jakija atrymali paškodžańni ad vybuchovaj chvali, jakaja ŭźnikła ŭ vyniku razbureńnia pry padzieńni niabiesnaha cieła.
Ciapier čytajuć
Babaryka dakładna nie viedaje, jak atrymaŭ traŭmy ŭ kałonii, bo byŭ biez prytomnaści1
Kamientary