Biełaruskija ružy ŭ Minsku možna kupić zaBr10-29 tys., ciulpany —Br10-12 tys. Ab hetym paviedamili ŭ dziaržaŭnaj ustanovie «Hałoŭnaje ŭpraŭleńnie spažyvieckaha rynku Minharvykankama.
Taksama prapanujucca mimozy (ad Br7 tys. da Br15 tys.), hierbiery (ad Br8 tys. da Br10 tys.), alstramieryi (Br10 tys.).
U śpiecyjalizavanych kramach stalicy, u handlovych centrach, univiermahach, paviljonach i na rynkach prachodzić šyroki rasprodaž kvietak, časovyja «kvietkavyja palany» arhanizavanyja ŭ miescach aktyŭnych pakupnickich patokaŭ.
Tak, AAT «DarARS» stvaryła šmatlikija zony prodažu kvietak u budynku čyhunačnaha vakzała, na siami stancyjach mietrapalitena i ŭ pierachodach.Ajčynnyja vytvorcy prapanujuć šyroki asartymient pradukcyi pa demakratyčnych cenach. Vyjazny handal arhanizavała i KUP «Kvietki stalicy».
Bolš za 80 handlovych miescaŭ dadatkova vydzielena admysłova dla handlu kvietkavaj pradukcyjaj na Minskim Kamaroŭskim rynku, kvietki pradajuć i na adkrytych placoŭkach u miescach masavaha znachodžańnia žycharoŭ i haściej stalicy.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar18
Kamientary