Mahiloŭskija donary damahlisia pieršaj pieramohi ŭ spravie viartańnia skasavanych lhot. Pa słovach aktyvista hanarovaha donara, adnaho sa stvaralnikaŭ Fonda donaraŭ płazmy i kryvi «Kropla žyćcia» Ihara Kavalenki, Saviet ministraŭ vyrašyŭ pakinuć donaram 40‑pracentnuju nadbaŭku da piensii.
Heta adna z pryčynaŭ taho, što donary pakul nie buduć biesterminova strajkavać, jak navažvalisia, i źviartacca ŭ Kanstytucyjny sud.
«Zaraz my čakam jašče listoŭ, jakija nam pavinny dasłać z šerahu dziaržaŭnych ustanoŭ. Paśla hetaha budziem pracavać ź jurystami, kab jany padrychtavali tłumačeńnie słoŭ «kampiensacyja» i «lhoty». Tolki zatym my vyrašym pytańnie sa zvarotam u Kanstytucyjny sud. Dahetul nie pryjšoŭ adkaz ź Ministerstva achovy zdaroŭja. Ale Saviet ministraŭ dasłaŭ list u Ministerstva pracy i sacyjalnaj abarony, zhodna ź jakim donaram pakidajuć 40% nadbaŭki da piensii. Tak što, adno z našych patrabavańniaŭ ŭžo vykanana. Zastajecca zmahacca za leki i zubapratezavavańnie. Nie tak lehka vajavać z čynoŭnikami. Na ŭsio treba šmat času. Tym bolš što my praciahvajem zajmacca i stvareńniem našaha fonda: dasłali list u Ministerstva justycyi nakont ŭzhadnieńnia nazvy. Čakajem adkaz, pakolki bieź jaho nie moža być nijakaj rehistracyi», — kaža Ihar Kavalenka.
Što datyčyć akcyii donaraŭ z raspaŭsiudam ulotak i zaprašeńniem da čynoŭnikaŭ zdavać kroŭ, to nivodny z tych, kamu jany byli dasłany, na prapanovu nie adreahavaŭ: «Ni zvankoŭ, ničoha. Nibyta ničoha i nie było».
Pytańnie z praviadzieńniem strajku donaraŭ pakul zastajecca adkrytym:
«Pierad tym, jak padavać dakumienty na rehistracyju, adbudziecca schod donaraŭ, dzie my abmiarkujem takoje raźvićcio padziejaŭ».
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary