Vałavy ŭnutrany pradukt (VUP) Biełarusi pa vynikach studzienia — sakavika 2013 dasiahnuŭ 123,3 trłn rubloŭ, što na 3,5% bolš u paraŭnańni z anałahičnym pieryjadam 2012 hoda, paviedamlaje Biełstat, akcentujučy ŭvahu na papiaredni charaktar raźlikaŭ. Pa vynikach studzienia — lutaha rost skłaŭ 4,4%.
Ułady Biełarusi prahnazujuć rost VUP u 2013 hodzie na 8,5%. U 2012 hodzie biełaruskaja ekanomika vyrasła na 1,5% pry prahnozie 5–5,5%.
Inflacyja za spravazdačny pieryjad skłałasia na ŭzroŭni 5,4%.
Razam z tym vytvorčaść pramysłovaj pradukcyi za pieršy kvartał hetaha hoda źniziłasia na 1,1% da studzienia — sakavika minułaha hoda, skłaŭšy 154,5 trłn rubloŭ (u studzieni — lutym źnižeńnie składała 0,4%).
Zapasy hatovaj pradukcyi na 1 krasavika skłali 32,3 trłn rubloŭ, ci 79,7% da siaredniamiesiačnaha abjomu vytvorčaści.
Inviestycyi ŭ asnoŭny kapitał vyraśli na 12,5% i skłali 35,8 trłn rubloŭ.
Roźničny tavaraabarot pavialičyŭsia na 18,7% da 57,4 trłn rubloŭ, aptovy — na 8,8% da 110,8 trłn
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary