U lidara Abjadnanaj hramadzianskaj partyi mohuć apisać i kanfiskavać majomaść.
Anatol Labiedźka atrymaŭ paviedamleńnie z suda Centralnaha rajona Minska ab tym, što pavinien nieadkładna apłacić štraf, nakładzieny na jaho sudom Savieckaha rajona za razdaču infarmacyjnych materyjałaŭ na temu namienkłaturnaj pryvatyzacyi. U advarotnym vypadku sud pahražaje zapuścić praceduru kanfiskacyi majomaści, paviedamlaje pres-słužba AHP.
Voś jak kamientuje situacyju sam Anatol Labiedźka:
«Ja znachodžusia ŭ režymie pinh-ponha z sudovymi instancyjami. Ciapier vychodzim na ŭzrovień Viarchoŭnaha suda. Pakul ja nie prajdu ŭvieś hety łancužok, sudovym vykanaŭcam daviadziecca nabiracca ciarpieńnia. I maja kančatkovaja meta - Kamitet pa pravach čałavieka AAN. Ja, viadoma, nie pryznaju svajoj viny i ŭ dokaz užo vychodziŭ na prachadnuju traktarnaha zavoda, dzie razam sa svaimi kalehami razdavaŭ biuleteń «Hołas rozumu». I takija pachody ŭ narod z razdačaj infarmacyi z ruk u ruki buduć praciahnutyja! Bo ŭłada va ŭmovach ekanamičnaha i sacyjalnaha kryzisu bolš za ŭsio baicca kamunikacyj svaich apanientaŭ ź ludźmi».
Nahadajem, raniej staršynia Minskaha haradskoha suda admoviŭ lidaru AHP u skasavańni štrafu za razdaču ŭlotak.
Łatvija «pa techničnych pryčynach» zakryła miažu ź Biełaruśsiu12
Kamientary