Libieralna-demakratyčnaja partyja zaklikaje ŭsie palityčnyja partyi, jakija padtrymlivajuć biełaruskuju movu i kulturu, nie na słovach, a na spravie akazać materyjalnuju dapamohu hramadskamu abjadnańniu «Tavarystva biełaruskaj movy imia Franciška Skaryny» (TBM).
Raźvićcio hramadzianskaj supolnaści i demakratyi, adznačajecca ŭ infarmacyjnym paviedamleńni ŁDP, niemahčymaje biez stvareńnia naležnych umoŭ dla raźvićcia palityčnych partyj i hramadskich arhanizacyj.
«Palityčnyja partyi i hramadskija arhanizacyi nie majuć prava zajmacca kamiercyjnaj i haspadarčaj dziejnaściu i isnujuć vyklučna za košt achviaravańniaŭ hramadzian. U suviazi z hetym aficyjna zarehistravanyja palityčnyja partyi i bujnyja hramadskija arhanizacyi pavinny mieć śpiecyjalny panižalny kaeficyjent pry zaklučeńni dahavoraŭ arendy», — miarkujuć u ŁDP.
U chutkim časie ŁDP maje namier pravieści kruhły stoł, na jakim budzie ŭźniata pytańnie pavyšeńnia arendnaj płaty. Pa vynikach mierapryjemstva partyja płanuje adpravić u dziaržaŭnyja orhany kankretnyja prapanovy pa vyrašeńni prablemy.
Jak raniej paviedamlałasia, TBM źviarnułasia da hramadskaści pa dapamohu ŭ suviazi z rezkim rostam koštu arendy 1 krasavika — z 5 młn. 100 tys. rubloŭ da 9 młn. 801 tys. 600 rubloŭ u miesiac.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary