Žančyna sihnalizuje pra hatoŭnaść da začaćcia koleram svajho adzieńnia
Elemient harderoba čyrvonaha ci ružovaha koleru dla žančyny značyć bolš, čym možna ŭjavić. Na dumku navukoŭcaŭ z Univiersiteta Brytanskaj Kałumbii, dadzienyja koleru ŭ adzieńni kažuć pra toje, što žančyna dasiahnuła pika fiertylnaści, piša Live Science.
Daśledavańnie 124 žančyn 18—47 hadoŭ prajšli apytańnie. Navukoŭcy pytalisia, jakoha koleru na ich kašula, i, kali skončyłasia mienstruacyja. Akazałasia, žančyny, jakija mieli čyrvonaje ci ružovaje, u try razy čaściej znachodzilisia na piku fiertylnaści ŭ paraŭnańni z astatnimi.
Viadoma: niekatoryja žyvioły pakazvajuć supraćlehłamu połu ab tym, što hatovyja da začaćcia. Ale ŭ ludziej pryroda nie praduhledzieła padobnaha miechanizmu. Prynamsi, vidavočnaha.
U mnohich kulturach čyrvony koler asacyjujecca z pałkaściu. A testy z mužčynami pakazali, što ich bolš pryciahvali žančyny, čyje vyjavy byli akružanyja čyrvonaj ramkaj. Pry hetym mnohija žančyny adčuvajuć asabliva seksualnaje ŭzbudžeńnie padčas avulacyi.
I heta prymušaje ich nasić bolš adkrytuju vopratku. Jarkija ž kolery nakštałt čyrvonaha i ružovaha pryciahvajuć uvahu, u tym liku, supraćlehłaha połu. Charakterna: pa słovach navukoŭcaŭ, ružovaje i čyrvonaje na piku fiertylnaści žančyny nasili čaściej zimoj, čym uletku.
Načalnik milicyi Brahina stralaŭ u svaju žonku. Jana cudam vyžyła9
Kamientary