«Hazpram» ŭ 2014 hodzie płanuje pastavić u Biełaruś da 23 młrd.kub.m hazu. Pra heta havorycca ŭ materyjałach da hadavoha schodu akcyjanieraŭ kampanii, jaki zapłanavany na 28 červienia. Limitavaja suma hazavych pastavak u Biełaruś vyznačana pamieram $ 4,255 młrd.
Zhodna z damovaj, uchvalenaj na minułym schodzie akcyjanieraŭ «Hazprama», u 2013 hodzie ŭ Biełaruś moža być pastaŭlena 23 młrd.kub.m hazu na sumu $ 4,1 młrd.
U 2012 hodzie Biełaruś impartavała ad «Hazprama» 20,3 młrd.kub.m pryrodnaha hazu na $ 3,4 młrd.
Damovy, prapanavanyja da ŭchvaleńnia akcyjanieram «Hazprama», taksama praduhledžvajuć, što ŭ 2014 hodzie AAT «Hazpram transhaz Biełaruś» akaža pasłuhi pa tranzicie hazu praź Biełaruś u abjomie nie bolš za 50 młrd.kub.m (na 2013 hod — nie bolš za 60 młrd. kub.m). «Hazpram» u 2014 hodzie pavinien apłacić pasłuhi pa transparciroŭcy hazu pa mahistralnych hazapravodach praź biełaruskuju terytoryju na hraničnuju sumu $ 600 młn.
Kamientary