U 2009 arhanizatary abiacajuć Litvu zrabić krainaj fiestyvalaŭ.
Praz dva hady Litva budzie adznačać tysiačahodździe pieršaj zhadki ab joj u letapisach. Voś čamu Vilnia pieršaja sa stalic novych krain Jeŭrapiejskaha Sajuza atrymała taki hanarovy tytuł. Realizacyja prajektaŭ u ramkach hetaj prahramy budzie kaštavać Litvie 23 młn jeŭra, 60 pracentaŭ ź jakich vydzialaje Urad Litvy, astatnija vydatki biare na siabie samakiravańnie Vilni.
Płanujecca ažyćciavić 400 prajektaŭ, 250 — u hetym hodzie, astatnija — ŭ nastupnym. Tolki adzin prajekt budzie finansavacca Jeŭrapiejskim Sajuzam.
Adnak, na pres‑kanfierencyi, pryśviečanaj prahramie «Vilnia‑2009» były mer litoŭskaj stalicy Arturas Zuokas zaznačyŭ: «My raźličvajem pryciahnuć jeŭrapiejskija hrošy na raźvićcio infrastruktury».
Užo zaraz možna ŭbačyć jak Vilnia rychtujecca da 2009 hoda: idzie rekanstrukcyja histaryčnych budynkaŭ, prajšoŭ muzyčny fiestyval «Be2gether», jaki byŭ, pa słovach arhanizataraŭ, tolki repietycyjaj taho fiestyvalu, što adbudziecca praz dva hady, a pa vulicach Vilni jeździać aŭtobusy i tralejbusy z partretami kampazitaraŭ, muzyka jakich i hučyć u hetych transpartnych srodkach. Kultura taksama patrabuje rekłamy!
U 2009 arhanizatary abiacajuć Litvu zrabić krainaj fiestyvalaŭ i pravieści fiestyvali opiery, elektronnaj muzyki, jaŭreskaj muzyki, subkultury, rok‑fiestyval «Be2gether» na miažy z našaj krainaj.
Daviedka. U 1985 hodzie pa inicyjatyvie ministra kultury Hrecyi Mieliny Merkury Jeŭrapiejski Sajuz raspačaŭ prahramu «Kulturnaja stalica Jeŭropy». Ličycca, što heta samaja ŭdałaja prahrama ES u płanie kultury. Za apošnija 22 hady bolš za 30 haradoŭ krain ES atrymali hety tytuł. Meta — paznajomić jeŭrapiejcaŭ z kulturnym i histaryčnym nabytkam krain ES, a taksama vypracavać doŭhaterminovuju prahramu raźvićcia jeŭrapiejskich haradoŭ. U 2007 hodzie kulturnymi stalicami Jeŭropy źjaŭlajucca Luksiemburh i Sibiu (Rumynija). Estonija, Łatvija i Polša atrymajuć prava zrabić adzin sa svaich haradoŭ stalicaj Jeŭropy adpaviedna ŭ 2011, 2014, 2016 hadach.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary