U Šviejcaryi praviaduć refierendum adnosna abmiežavańnia kolkaści nasielnictva
Šviejcaryja hetym letam praviadzie refierendum ź inicyjatyvy pravaj Šviejcarskaj narodnaj partyi (SVP), jakaja prapanuje abmiežavać nasielnictva krainy da 10 miljonaŭ čałaviek. Hałasavańnie pryznačana na 10 červienia, piša The Guardian.
Zhodna z prapanovaj, ułady pavinny buduć pryniać miery, kali pastajannaje nasielnictva, jakoje ciapier składaje kala 9,1 miljona čałaviek, pieravysić 9,5 miljona. Tady płanujecca abmiažoŭvać ujezd novych mihrantaŭ, u tym liku ŭciekačoŭ i siamiejnikaŭ inšaziemcaŭ.
Kali ž kolkaść žycharoŭ dasiahnie 10 miljonaŭ i nie pačnie skaračacca, Šviejcaryja budzie abaviazanaja vyjści z pahadnieńnia ab svabodnym pieramiaščeńni ź ES — svaim hałoŭnym handlovym partnioram.
Za apošniaje dziesiacihodździe nasielnictva krainy rasło značna chutčej, čym u siarednim u dziaržavach Jeŭrasajuza. Kala 27% žycharoŭ nie majuć šviejcarskaha hramadzianstva. SVP śćviardžaje, što rost nasielnictva pryvodzić da padaražańnia žylla i pierahruzki infrastruktury.
U toj ža čas inicyjatyvu rašuča krytykujuć urad, parłamient i biznes-supolnaść. Bujnyja kampanii, takija jak Roche, UBS i Nestlé, papiaredžvajuć, što abmiežavańni mohuć pastavić pad pahrozu damoŭlenaści ź ES, u tym liku pahadnieńnie ab dostupie da adzinaha rynku.
Pradstaŭniki biznesu zajaŭlajuć, što mnohija pradpryjemstvy zaležać ad rabotnikaŭ z krain ES, a ŭ vypadku žorstkich abmiežavańniaŭ jany mohuć pieranieści dziejnaść kampanij za miažu, što niehatyŭna adabjecca na ekanomicy i biudžecie.
Pavodle apytańnia, praviedzienaha ŭ śniežni, kala 48% vybarcaŭ hatovyja padtrymać inicyjatyvu, što śviedčyć pra padzieł mierkavańniaŭ u hramadstvie nakont taho, nakolki adkrytaj pavinna zastavacca kraina.
Hramadzianie Šviejcaryi vykazalisia za «trynaccatuju piensiju»
«Jana była vielmi ahresiŭnaj». Tramp raspavioŭ, jak pakaraŭ Šviejcaryju mytami ŭ 39%
Šviejcaryja zamaroziła ŭsie aktyvy Nikałasa Madura i abiacaje «viarnuć ich narodu»
Źjaviŭsia rejtynh samych mocnych i samych słabych suśvietnych pašpartoŭ. Biełaruski ŭ siaredzinie
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary
Voś i adrazu bačna kamu vyhadna pryvozić zamiežnuju pracoŭnuju siłu i płacić im minimałku, zamiest taho kab narmalova płacić miascovym. Asabliva śmiešna pra "humanistaŭ" ź Niestle, jakija u svoj čas nie hrebali karystacca pracaj raboŭ u Afrycy.