U kancy krasavika na sajcie «NN» źjaviłasia kamičnaje paviedamleńnie: u žycharki vioski Dryśviaty, što ŭ Brasłaŭskim rajonie (Viciebskaja vobłaść), sa dvara skrali viadro. Pra złačynstva jana paviedamiła ŭ RAUS.
Kali da žančyny pryjechaŭ učastkovy, bo kradziež viadra padpadaŭ pad administratyŭnaje pravaparušeńnie, jana zajaviła jašče i pra kradziež troch praścinaŭ i troch čachłoŭ na koŭdry, što sušylisia paśla myćcia.
U vyniku hetaha ŭčastkovy musiŭ viarnucca ŭ Brasłaŭ, a z Brasłava ŭ Dryśviaty ŭžo vyjechała apieratyŭnaja hrupa, bo suma ahulnaja suma skradzienaj majomaści ŭžo «ciahnuła» na kryminalnaje złačynstva.
I voś zusim niadaŭna niekalki čytačoŭ «NN» źviarnulisia ŭ redakcyju z prośbaj vyśvietlić dalejšy los viadra. Ci znajšli jaho milicyjanty i ci viarnułasia jano da haspadyni?
Dryśviackaja historyja akazałasia nie takoj prostaj.
Načalnik Brasłaŭskaha rajonnaha adździeła milicyi Viačasłaŭ Hryščanka paviedamiŭ karespandentu «NN», što viadro, na žal, pakul nie znajšli. «Pavodle zakanadaŭstva, kali vinavaty ŭ administratyŭnym pravaparušeńni nie znojdzieny, spravu spyniajuć.
Kali znojdziecca viadro i toj, chto jaho skraŭ, hetuju spravu zaviaduć iznoŭ», — patłumačyŭ Hryščanka.
Na pytańnie, čamu razmova idzie pra administracyjnaje pravaparušeńnie, choć u papiarednim paviedamleńni kazali pra pierakvalifikacyju jaho ŭ kryminalnaje złačynstva, Hryščanka adkazaŭ, što, nasamreč, kryminalnaj spravy i nie było.
«Kali apieratyŭnaja hrupa pryjechała da žančyny, jana znachodziłasia ŭ stanie ałkaholnaha apjanieńnia. Jaje dastavili ŭ Brasłaŭ da mianie. Padčas vyśviatleńnia abstavinaŭ kradziažu žančyna błytałasia ŭ śviedčańniach nakont źniknieńnia bializny. Adnak potym pryznała, što nijakich praścin i čachłoŭ na koŭdru ŭ jaje nie krali.
My navat dumali pryciahnuć jaje da adkaznaści za łžeśviedčańni, adnak jana pakajałasia, i my nie zrabili hetaha», — raskazaŭ Hryščanka.
Taksama Hryščanka paviedamiŭ, što kradziažoŭ u ich rajonie ŭvohule niašmat. «U nas 170 kiłamietraŭ miažy (z Łatvijaj — NN) pobač. Tamu čužyja tut nie časta źjaŭlajucca», — skazaŭ jon.
Ciapier čytajuć
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii31
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3636
Kamientary