Snoŭden paprasiŭ palityčnaha prytułku ŭ Rasii, ale paźniej źbirajecca lacieć u Łacinskuju Amieryku
Źbiehły supracoŭnik CRU Edvard Snoŭden u piatnicu na sustrečy z šeraham pravaabaroncaŭ i advakataŭ u tranzitnaj zonie aeraporta «Šaramiećjeva» zajaviŭ, što źviartajecca da Rasiei z prośbaj ab pradastaŭleńni palityčnaha prytułku, adnak źbirajecca paźniej lacieć u Łacinskuju Amieryku.
Pra heta paviedamiła karespandent New York Times ŭ Maskvie sa spasyłkaj na prysutnuju na sustrečy sa Snoŭdenam kiraŭnikom maskoŭskaha adździaleńnia «Chjuman Rajts Uotč» Taćcianu Łakšynu.
Snoŭden, pa słovach Łakšynoj, zajaviŭ ab tym, što atrymaŭ prapanovy ab pradastaŭleńni prytułku ad Vieniesueły, Rasii, Balivii, Nikarahua i Ekvadora.
Jon padziakavaŭ hetym krainam, adznačyŭšy, što jon prymaje ŭsie prapanovy, ciapierašnija i tyja, što jamu jašče zrobiać u budučyni.
Jon dadaŭ, śćviardžaje pradstaŭnica pravaabarončaj arhanizacyi, što maje patrebu ŭ dapamozie, jakaja harantuje jamu biaśpiečny pieralot u Łacinskuju Amieryku.
Kamientary