Futbalisty «Homiela» Pavieł Kirylčyk, Jahor Chatkievič i Anton Maćviejenka pryniali ŭdzieł u fotasiesii, pryśviečanaj 603-j hadavinie Hrundvalskoj bitvy. Futbalistaŭ pieraapranuli ŭ rycarskija daśpiechi tych časoŭ, piša goals.by.
«Navat niedaśviedčanamu ŭ futbole čałavieku budzie zrazumieła, što matč suprać minskaha «Dynama» maje asablivy padtekst. Na ščaście, nam nie pryjšłosia doŭha razvažać, jak abyhrać hety matč u multymiedyjnym sensie. 15 lipienia, ale praŭda 1410 hoda, adbyłasia bitva, viadomaja amal kožnamu biełarusu — bitva pad Hrunvaldam ci Hrunvaldskaja bitva. Čym nie padstava dla aryhinalnaj zadumy? Na zialonaj travie «Centralnaha» try mužnyja homielskija rycary pieramahli svaich sapiernikaŭ u impravizavanaj bitvie.
Chočam adrazu zasiarodzić vašuju ŭvahu na tym, što rekvizit dla zdymkaŭ nie butaforski, a adpaviadaje ŭzoram taho času — daśpiecham i zbroi časoŭ Bitvy. Chiba što nakidka ź litaraj «D» z našych dzion :).
Naturalna, futbalistaŭ, jakija žadali sfatahrafavacca było dastatkova. U vyniku vybrali administracyjnym resursam i abrali Paŭła Kirylčyka, Jahory Chatkieviča i Antona Maćviejenku. Varta padziakavać hałoŭnamu trenieru Alaksieju Miarkułavu za toje, što ciarpliva pastaviŭsia da padobnaj tvorčaści, jakaja papiaredničała treniroŭcy.
Navat hledziačy na fotazdymki zrazumieła, što važać usie hetyja «ŭpryhožańni» niamała. A kali ŭličyć, što ŭbrańnie jašče i nie vielmi zručnaje, to składanaści ŭzrastali ŭdvaja. Anton Maćviejenka vielmi chvalavaŭsia, što ŭ daśpiechach padobny na pčalara. Ale heta nie pieraškodziła jamu aktyŭna razmachvać paŭtaramietrovym miačom. Pa futbołkach hulcoŭ paśla čarhovaha «boju» było dobra vidać, što dadatkovuju treniroŭku jany dakładna atrymali. Adnak u niadzielu, prynamsi, lahčej nie budzie», — paviedamlajecca na aficyjlnym sajcie «Homiela».
Nahadajem, matč «Homiel» — «Dynama» (Minsk) projdzie 14 lipienia i pačniecca ŭ 17.00. Kanał «Biełaruś-2» arhanizuje pramuju tranślacyju pajadynka.
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3030
Kamientary