U Minsku dazvolili vykidać papieru, płastyk i škło ŭ adzin kantejnier
Na sajcie Minskaha haradskoha vykanaŭčaha kamiteta apublikavali schiemu abychodžańnia z kamunalnymi adkidami stalicy. Dakumient vyznačaje praviły zboru śmiećcia dla žycharoŭ horada, a taksama praduhledžvaje madernizacyju dvarovaj infrastruktury.
Štohod u Minsku ŭtvarajecca bolš za 400 tysiač ton spažyvieckich adkidaŭ. Dla ich zboru ŭ horadzie abstalavana bolš za 4 tysiačy kantejniernych placovak. U dvarach raźmieščana amal 42 tysiačy kantejnieraŭ dla źmiešanaha śmiećcia i bolš za 22 tysiačy kantejnieraŭ dla paasobnaha zboru adkidaŭ. Pierad adpraŭkaj na palihony ŭsio sabranaje śmiećcie prachodzić sartavańnie.
Adno z važnych novaŭviadzieńniaŭ — pierachod na zbor źmiešanych druhasnych materyjalnych resursaŭ. Ciapier papieru, kardon, płastyk, škło i mietał možna vykidać u adzin ahulny kantejnier. Adtul adkidy buduć dastaŭlać na śmiećciesartavalny zavod. Vyvozić druhasnuju syravinu pavinny nie radziej za dva razy na tydzień.
Pry hetym žychary Minska pa-raniejšamu abaviazanyja sartavać adkidy i vykidać ich tolki ŭ śpiecyjalna adviedzienych miescach. Pakidać śmiećcie pa-za miežami dazvolenych placovak zabaroniena.
Za parušeńnie pravił abychodžańnia z adkidami praduhledžanyja štrafy. Dla fizičnych asob jany mohuć dasiahać 30 bazavych adzinak, dla indyvidualnych pradprymalnikaŭ — 100, a dla jurydyčnych asob — 1000 bazavych adzinak.
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary