BATE — «Šachcior» (Karahanda) — 0:1

94+

Paraza. Hučyć finalny śvistok. Matč u adkaz praz tydzień u Karahandzie.

90-aja

Usie, aproč Harbunova, šturmujuć vałodańni Mokina. Biez tołku. Sudździa dadaŭ 4 chviliny.

89-aja

Na pole vyskačyŭ mužyk. Sprabuje rastłumačyć sudździ, što toj ničoha nie bačyć. Ludzi paciahnulisia na vychad. Vielmi heta niepryhoža.

88-aja

Kryŭcu pakazvajuć kartku za simulacyju. Usio ž šatłandziec Džon Bitan vielmi dziŭny arbitr.

Budziem ščyrymi, BATE nie nahulaŭ na pieramaho. Ale paraza?

84-aja

Momant! Radzivonaŭ vychodziŭ absalutna na zabojčuju pazicyju. Vidać, u takich momantach forvard zabivaje 9 z 10. Škada, što nie zabiŭ jakraz siońnia. «Šachcior» pra ataku, zdajecca, užo navat nie dumaje.

79-aja

Apošniuju zamienu robić Hančarenka. Kancavy mianiaje Niachajčyka. Arciom — hulec zły. Jon u stanie zavieści kamandu. Vuhłavyja la varot Mokina padajucca ŭsio čaściej. A što tołku? Kali zabić nie možam.

74-aja

N-ccaty vuhłavy razyhraŭ BATE. Ničoha vycisnuć nie atrymałasia znoŭ. Kaštoŭnyja chviliny ŭsio biahuć i biahuć.

69-aja

Radzivonaŭ zapuściŭ miač «pa vierabjach», jak kazali ŭ dziacinstvie, vielmi vysoka nad varotami. Letaś padobnyja prablemy ŭźnikali ŭ hulniach z makiedonskim «Vardaram» i vienhierskim «Debrecenam», ale BATE vychodziŭ z tych supraćstajańniaŭ z honaram. Ciapier tryvožna jašče bolš.

64-aja

Kožnaje rašeńnie arbitra trybuny sustrakajuć niedružalubna. Maksim Vaładźko atrymaŭ žoŭtuju kartku.

61-aja

Pakul maksimum, što moža vyciahnuć BATE — heta vuhłavyja ŭdary. Zamiena: Kryviec zamiest Aleksijeviča. Pieršy matč Kryŭca paśla viartańnia z Polščy-Kitaja.

54-aja

Niejkaja razhublenaść pakul u stanie barysaŭcaŭ. Vastryni ŭ atacy vielmi nie chapaje.

48-aja

«Šachcior» zabivaje hoł. Adznačyŭsia Chižničenka. Try kazachi apynulisia pierad varotami Harbunova. Vielmi chočacca pahladzieć paŭtor. Niaŭžo tam nie było afsajda?

46-aja

Pačaŭsia druhi tajm. U BATE zamiena: Maksim Vaładźko zamiest Alaksandra Hleba. Niaŭžo apošni atrymaŭ paškodžańnie?

46+

Pierapynak. Hałoŭ pakul niama.

44-aja

Jak umudryŭsia nie zabić Aleksijevič prosta niezrazumieła. Supieršaniec u BATE i supiersejv Mokina. Mahli barysaŭcy zabić u raździavalniu.

43-jaja

Kazachi praviali niekalki dziorzskich atak, ale biez asablivaj niebiaśpieki dla Harbunova. Pakul niajasna za košt čaho BATE budzie vyjhravać siońnia. Asensavanych atak vielmi brakuje.

34-aja

Nu voś narešcie i momant paśla jakoha možna i za hałavu schapicca. Miač lotaŭ dzieści na miažy našaj štrafnoj, pakul nie sustreŭsia z nahoj Vasileviča. Udar atrymaŭsia vydatnym, kab jašče trapiŭ u stvor, to hołam kazachi lubavalisia doŭha.

U atacy ŭ adkaz Radzivonaŭ mieŭ paŭbulitny vychad, ale Mokin nahami likvidavaŭ pahrozu. Abmianialisia momantami.

29-aja

Paŭłaŭ upuściŭ mahčymaść dla ŭdara. Na trybunach bjuć u barabany. Pakul usio. Nivodnaha ŭdara ŭ stvor.

24-aja

«Batoša» (talisman biełaruska kłuba) zažyhaje pierad trybunami. Hučyć truba. Atmaśfieru pakul što cikaviej apisvać za toje, što adbyvajecca na hazonie. Biez momantaŭ.

19-aja

Pieršy momant la varot Mokina, jon, da słova, nie ŭ mienš hłamurnym smarahdavym kaściumie. Paŭprastreł, paŭudar vykonvaŭ Radzivonaŭ. Kazachi adbilisia.

Da fanataŭ dałučylisia «kuźmičy». «Napierad, Barysaŭ» — hučyć, ci nie na ŭvieś horad.

13-aja

Hleba prytrymali, sudździa nie zaŭvažyŭ. Na trybunach niezadavolenaść. Jašče bolšaj jana stanovicca, kali šatłandziec praź imhnieńnie fiksuje parušeńnie pravił ad Radzivonava.

U Harbunova siońnia, darečy, pryhožy žoŭty kaścium i žoŭtyja hietry.

10-aja

Kamandy pakul aściarožničajuć. Aproč vielmi niedakładnaha ŭdara Ziańkoviča navat i vydzielić niama čaho. Chacia nie, jašče možna źviarnuć uvaha na aśviatlalnyja mačty, jakija čamuści harać u soniečny dzień. Praciahvajem.

5-aja

Na trybunach čałaviek 30 fanataŭ z Kazachstana. U aranžavych majkach i ściahach. A voś u barysaŭskim fan-siektary niekalki socień čałaviek. «Šyza» na ŭzroŭni. Trybuny, darečy, zapoŭnienyja nie poŭnaściu. Volnych miescach, na žal, dastatkova mnoha.

1-aja chvilina

Himn Lihi čempijonaŭ adyhraŭ. Šatłandski arbitr Bitan daje śvistok ab pačatku hulni. BATE ŭ siniaj formie, supierniki — u biełych majkach i čornych trusach.

***

Składy kamand.

«Šachcior»: Mokin, Vičus, Vasilevič, Finončanka, Paryvajeŭ, Džydzič, Małyj, Ziańkovič, Simčavič, Kańjas, Chižničenka. (U składzie dva biełarusy — Paryvajeŭ i Ziańkovič).

***

Barysaŭski BATE pačynaje svoj jeŭrakubkavy siezon. U druhim kvalifikacyjnym raŭndzie biełarusam u supierniki dastaŭsia čempijon Kazachstana — «Šachcior» z Karahandy.

Za savieckim časam karahandzinski «Šachcior» hulaŭ u pieršaj i druhoj lihach pieršynstva SSSR. Najmacniejšym kłubam Kazachstana ŭ toj čas byŭ «Kajrat» z Ałmaaty.

U jeŭrakubkach «Šachcioru» pakul što tolki adnojčy atrymałasia prajści adzin raŭnd. U 2011 kazachi byli macniejšymi za słavienski «Kopier». Letaś užo na startavym adrezku «Šachcior» prajhraŭ češskamu «Słovanu».

Na hetym biełaruskija akcenty ŭ «Šachciory» nie skančvajucca. Za čempijona Kazachstana vystupaje dva biełaruskich futbalisty — bramnik Famičoŭ i napadajučy Ziańkovič (niadaŭna pierajšoŭ, najlepšy bambardzir čempijanata Kazachstana).

U hetym čempijanacie «Šachcior» pakul što idzie na trecim miescy, sastupajučy «Aktobe» i «Astanie».

Karahanda — horad u centralnym Kazachstanie. Nasielnictva — 480 tysiač. Horad viadomy zdabyčaj vuhala. Adsiul i nazva kamandy «Šachcior».

• 0
• 0
• 0
• 0
• 0
• 0
• 0
• 0