U Smalavičach hareŭ niedabudavany handlovy centr «Ałmi», adzin čałaviek paciarpieŭ
21 žniŭnia ŭ Smalavičach adbyŭsia pažar na terytoryi budučaha handlovaha centra «Ałmi», paviedamlaje sajt MNS.
Napiaredadni pažaru pravodzilisia ahniavyja raboty pa rezcy mietału, z-za čaho, vierahodna, zahareŭsia ŭciaplalnik i ahoń raspaŭsiudziŭsia pa pierymietry budynka.
U vyniku zdareńnia paciarpieŭ adzin čałaviek. Ratujučysia, z dachu budynka saskočyŭ zvarščyk. Paciarpieły z dyjahnazam adkrytaja čerapna-mazhavaja traŭma dastaŭleny ŭ smalavickuju balnicu.
U vyniku pažaru abrynuŭsia dach na płoščy 240 kv. m, defarmavaŭsia karkas budynka, vyharali znutry pamiaškańni handlovaha centra sa składzienymi budaŭničymi materyjałami.
Kamientary