Paśla zakančeńnia Mormalskaj biełaruskaj siaredniaj škoły U.Sodal pracavaŭ elektrykam u Murmansku (Rasija) na sudnaramontnym vajennym zavodzie, vučyŭsia ŭ Minskim dziaržaŭnym piedahahičnym instytucie imia Maksima Horkaha, zatym pracavaŭ piedahoham u dziciačym tubierkuloznym sanatoryi «Astrašycki haradok» i redaktaram Biełaruskaha telebačańnia, dzie ŭznačalvaŭ studyju «Licej» i byŭ adnym z zasnavalnikaŭ navučalnaha telebačańnia. Za 34 hady pracy na BT padrychtavaŭ šerah aśvietnickich prahram, u tym liku «U kožnaha była svaja vajna».
Pieršyja svaje apaviadańni U.Sodal apublikavaŭ u 1955 hodzie ŭ haziecie «Pijanier Biełarusi». Źjaŭlajecca aŭtaram šerahu knih i dyjafilmaŭ pra kłasikaŭ biełaruskaj litaratury Franciška Bahuševiča i Vincenta Dunina‑Marcynkieviča, pra nacyjanalnaha hieroja Biełarusi Kastusia Kalinoŭskaha. Padrychtavaŭ da vydańnia dakumientalnuju apovieść «Stohadovy partyzan», pryśviečanuju lehiendarnamu biełaruskamu partyzanu Druhoj suśvietnaj vajny Dziedu Tałašu. Pracuje nad knihami ab žyćci F.Bahuševiča ŭ Vilniusie i pa historyi vioski Kušlany ŭ Smarhonskim rajonie Hrodzienskaj vobłaści, dzie znachodzicca siadziba F.Bahuševiča.
U intervju BiełaPAN staršynia HA «Tavarystva biełaruskaj movy imia Franciška Skaryny» Aleh Trusaŭ zaznačyŭ, što da svajho 70‑hodździa U.Sodal padyšoŭ u roskvicie tvorčaści.
«Jon źjaŭlajecca stvaralnikam pieršaha telečasopisa «Rodnaje słova», viadučym daśledčykam tvorčaści Franciška Bahuševiča i dziejačaŭ biełaruskaha nacyjanalnaha adradžeńnia «našaniŭskaha» pieryjadu. Dziakujučy jaho niastomnaj pracy štohod źjaŭlajecca novaja kniha. Aprača taho, jon pravodzić vialikuju aśvietnickuju rabotu, sustrakajučysia z moładździu ŭ štab‑kvatery TBM», — zaznačyŭ A.Trusaŭ.
-
U Vilni zaviaršajecca restaŭracyja Vostraj bramy. Znakamitaja «Pahonia» na fasadzie kardynalna źmianiła koler
-
Vyjšaŭ pierakład ramana Remarka «U nieba niama ŭlubioncaŭ»
-
Doŭhačakanaje adnaŭleńnie siadziby paplečnika Kaściuški ŭ Vidzach-Łaŭčynskich abiarnułasia zamienaj draŭlanych ścien na kieramzitabieton
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary