Špijonski skandał u Nvidia: kitajskaja raźviedka mahła vykarystać ramantyčnuju suviaź z kiraŭnikom kampanii
Amierykanskija śpiecsłužby ličać, što kitajskaja raźviedka zavierbavała top-mieniedžarku sinhapurskaj kampanii Megaspeed Elis Chuan, kab taja źbirała infarmacyju pra kiraŭnika Nvidia Džensena Chuanha. Pavodle źviestak raźviedki, pamiž imi mahli być nie tolki dziełavyja, ale i ramantyčnyja adnosiny.
Pra heta paviedamlaje Financial Times sa spasyłkaj na raźviedvalnuju zapisku, jakuju viasnoj pradstavili vuzkamu kołu vysokapastaŭlenych čynoŭnikaŭ administracyi Donalda Trampa.
U dakumiencie śćviardžajecca, što Elis Chuan pracavała na Ministerstva dziaržaŭnaj biaśpieki Kitaja i pavinna była atrymlivać źviestki pra kiraŭnika adnaho z klučavych vytvorcaŭ čypaŭ dla štučnaha intelektu, piša Bild.
Megaspeed, jakaja zakuplaje čypy Nvidia dla svaich centraŭ apracoŭki danych, raniej trapiła pad padazreńnie amierykanskich uładaŭ praz mahčymuju pierapraŭku pieradavych pracesaraŭ u Kitaj u abychod ekspartnych abmiežavańniaŭ. Pavodle viersii śpiecsłužbaŭ, blizkija adnosiny Elis Chuan z kiraŭnikom Nvidia mahli dapamahčy Piekinu nie tolki atrymlivać kamiercyjnuju infarmacyju, ale i ŭpłyvać na pazicyju kampanii adnosna pastavak čypaŭ.
Pavodle źviestak New York Times, Tramp byŭ prainfarmavany pra mierkavanyja adnosiny jašče kala hoda tamu, ale nie staŭ pradprymać nijakich dziejańniaŭ. Džensen Chuanh pry hetym padtrymlivaje ciesnyja kantakty z prezidentam ZŠA i damahaŭsia dazvołu na prodaž niekatorych pieradavych čypaŭ Kitaju.
U Nvidia zajavili, što kiraŭnik kampanii rehularna sustrakajecca z tysiačami pradstaŭnikoŭ klijentaŭ, a jaho kantakty z Elis Chuan nie byli čymści niezvyčajnym. Kampanija taksama śćviardžaje, što pieradavała Megaspeed tolki zvyčajnuju dziełavuju infarmacyju, jakaja nie źmiaščała kamiercyjnych sakretaŭ abo źviestak, važnych dla nacyjanalnaj biaśpieki.
Piekin adchiliŭ abvinavačańni ŭ špijanažy.
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary