«Robim staŭki, što budzie na NH». U sacsietkach abmiarkoŭvajuć rezka padaražełuju skumbryju

Adna ź biełarusak apublikavała ŭ Threads fatahrafiju ceńnika i napisała, što jašče dva tydni tamu skumbryja kaštavała 36 rubloŭ za kiłahram. Jana prapanavała inšym karystalnikam pasprabavać pradkazać, jakoj budzie cana da navahodnich śviataŭ.

Pavialičyć

Publikacyja sabrała šmat vodhukaŭ. Dla niekatorych kupcoŭ amal 50 rubloŭ za kiłahram — zanadta vysokaja suma. Inšyja adznačyli, što bačać takija ceny ŭžo daŭno: pavodle słoŭ adnoj z udzielnic abmierkavańnia, u Breście i Minsku skumbryja pa 49 rubloŭ pradajecca prykładna hod. Niekatoryja sustrakali jaje pa 45—46 rubloŭ. Pry hetym košt, na dumku kupcoŭ, zaležyć ad jakaści ryby, vytvorcy i sposabu apracoŭki.

U kamientarach biełarusy z nastalhijaj uspaminali raniejšyja ceny. Adzin z karystalnikaŭ pryvioŭ prykład z 2015 hoda: u minskaj kramie Prostore na Kamiennaj Horcy kiłahram skumbryi tady kaštavaŭ 6,5 rubla. Inšyja taksama pryhadvali kaniec 2014‑ha i pačatak 2015 hoda, kali hetaja ryba była asabliva tannaj.

Niekatoryja ŭdzielniki dyskusii ličać ciapierašni košt nieabhruntavana vysokim i paraŭnoŭvajuć jaho z koštam miasa. Na ich dumku, za takija hrošy ŭžo možna nabyć dobry kavałak śvininy. Inšyja źviartajuć uvahu na padaražańnie i inšych vidaŭ ryby: naprykład, adna z kamientatarak raskazała, što mojvu bačyła pa 29,99 rubla za kiłahram. Pavodle jaje słoŭ, niekatoryja pradukty padaraželi ŭ paŭtara raza.

Častka pakupnikoŭ raić nie pierapłačvać za vendžanuju skumbryju, a nabyvać zamarožanuju i hatavać samastojna. Jaje možna zasalić abo zapiačy. Adna z žančyn napisała, što ŭžo niekalki hadoŭ robić tak sama: atrymlivajecca tańniej i smačniej.

Udzielniki abmierkavańnia taksama spračalisia pra jakaść ryby i roźnicu pamiž skumbryjaj i makrellu. Adna z kamientatarak papiaredziła, što ŭ kramach pad vyhladam skumbryi časam pradajuć makrel. Aŭtarka pieršapačatkovaj publikacyi z hetym nie pahadziłasia i adznačyła, što, pavodle jaje nazirańniaŭ, jakasnaja zamarožanaja skumbryja kaštuje kala 25—27 rubloŭ za kiłahram, a ryba pa 10—15 rubloŭ moža akazacca mienavita makrellu.

Asobnaj temaj stali prahnozy nakont cen da Novaha hoda. Niekatoryja miarkujuć, što da śniežnia kiłahram skumbryi moža padaražeć da 100 rubloŭ, inšyja nazyvajuć bolš ścipłuju sumu — 60 rubloŭ. Častka kupcoŭ užo ciapier pryhladajecca da zamarožanaj ryby, kab samastojna zasalić jaje da śviataŭ.

• 0
• 0
• 0
• 0
• 0
• 0
• 0
• 0