«My atrymali vielmi ciažki biuścik — hałava‑jabłyk i plečyki. Budziem pilić!»
Niamnohich mohuć pakinuć abyjakavymi biełaruskija «Kałychanki» — žury 17‑aha Maskoŭskaha Mižnarodnaha Festyvalu Reklamy Red Apple nia stała vyklučeńniem. Praca Julii Laškievič dy Julii Hałavinoj da albomu Źmitra Vajciuškieviča «Kałychanki» apynułasia lepšaj u naminacyi «Etykietki i ŭpakoŭka», katehoryja «Pramysłovyja tavary, audyjo, videa‑vytvorčaść». Pieramožcy festu ŭ interviju TH:
«My atrymali vielmi ciažki biuścik — hałava‑iabłyk i plečyki. Budziem pilić!»
KałychankiFestyval reklamy ŭ Maskvie prochodziŭ u miežach Suśvietnaha Reklamnaha Forumu «Advertising for Future — Future for Advertising» — «Reklama dla budučyni — budučynia dla reklamy». Jula Hałavina zajmałasia azdableńniem vokładki dla «Kałychanak». Mienavita jejnyja kotka, śpiavajučaja kałychanku svaim dzietkam u łožku, i ryžy kot, što zacikaŭlena prysłuchoŭvajecca z‑za dźviarej, byli nazvany samymi pryhožymi j dušeŭnymi.
«Festyvali reklamy — zaŭždy mahčymaść vydatna pravieści čas, — adznačaje Jula. — Pabyvać na vystavach, pahladzieć na čužyja pracy, pryniać udzieł u majstar‑klasach. Tam zaŭždy šmat cikavych ludziej».
Dva hady tamu Jula i sama pabyvała ŭ składzie žury hetaha festyvalu, tamu dobra viedaje ŭsiu jaho «kuchniu»:
«Symbal festu — čyrvony jabłyk. Raniej pieramožcy atrymoŭvali ceły jabłyk z metału, zrobleny «pad zołata«. U minułym hodzie — pałovu. A sioleta nievialiki, ale vielmi ciažki biuścik — hałava‑iabłyk i plečyki».
Na pytańnie, jak jany ź Julaj Laškievič źbirajucca padzialić uznaharodu, dyzajnerka zaśmiajałasia:
«Budziem pilić! A pakul jabłyk pierachodzić z ruk u ruki».
Nahadajem, što kružełka z kałychankami i cełym šeraham pryjemnych da jaje bonusaŭ była stvoranaja i vydadzienaja admysłova da śviatkavańnia 60‑hodździa Dziciačaha Fondu AAN UNICEF. Kałychanki napisaŭ Źmicier Vajciuškievič u supracy ź lepšymi biełaruskimi paetami. Dysk niekamercyjny i raspaŭsiudžvajecca vyklučna ŭ jakaści padarunka dla dzietak. Spampavać kałychanki možna na aficyjnym sajcie Vajciuškieviča www.todar.net.
Ciapier čytajuć
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ21
Kamientary