Łukašenka: Biełaruś hatova pracavać z «Urałkalijem» na prazrystaj i sumlennaj asnovie

Pra heta jon zajaviŭ padčas sustrečy z kiraŭnikami srodkaŭ masavaj infarmacyi krain SND.

«My nie suprać choć zaŭtra viarnucca, ale na pryncypach tych damoŭlenaściej, jakija byli dasiahnuty, kab heta było prazrysta i sumlenna», - skazaŭ jon.

«My nie chočam nijakich adkataŭ, levych schiem. Jašče chočam, kab u kampańjonach byli ludzi, jakija zaležać ad vytvorčaści, jakija pracujuć na krainu, na ludziej, jakija pracujuć u šachtach», - skazaŭ Łukašenka.

Jon adznačyŭ, što jamu «absalutna abyjakava, čym zajmajecca ciapier «Urałkalij», za vyklučeńniem adnaho — kab jany pravodzili narmalnuju palityku na rynku uhnajeńniaŭ».

«Jany škodziać siońnia nie tolki nam, bolš za ŭsio jany škodziać kanadska-amierykanskaj kampanii. Zatym, napeŭna, my idziem («Biełaruśkalij») i «Urałkalij». Zatym jany prynosiać šmat škody niemcam i izrailcianam», — skazaŭ Łukašenka.

«Da jakoha času jany buduć dempinhavać i hubić ułasnuju vytvorčaść kalijnych uhnajeńniaŭ u Rasii?», — spytaŭ jon.

Akramia taho, dadaŭ jon, «kali my siońnia pradajem za $400 (1 t chłorkaliju), to śledam pryjazdžajuć pradstaŭniki «Urałkalija», a heta było zafiksavana ŭ mnohich miescach, i prapanujuć za $320-350». «Idzie dempinh na škodu».

Pry hetym jon adznačyŭ, što «u nas dziaržaŭnaja kampanija, my padklučyli ŭsie ryčahi i vycisnuli hety dempinh, až da źniaćcia padatkaŭ». «Vy ž — zdymicie hetyja padatki. Dyk navošta vy ŭ stratu pracujecie? Kab zachapić rynki? Ci nie atrymajecca», — skazaŭ Łukašenka.

Jon taksama dadaŭ: «My možam niehałosna damovicca z usimi pracujučymi na rynku kampanijami, i vy nie spraviciesia z hetym rynkam».

«Kali zadajuć pytańnie «vy nie suprać pracavać razam?», Ja kažu: kali my tolki pra heta zajavim, to cana adrazu padskočyć na kalijnyja ŭhnajeńni. My nie suprać, kali vierniemsia da adzinych prodažaŭ praz adnu sietku (BKK), prybraŭšy «Urałkalij — Trejdynh», praź jaki rasijcy pradavali 80 % uhnajeńniaŭ», - skazaŭ A.Łukašenka.

U suviazi z hetym jon zajaviŭ, što, «jak ciapier pakazvaje śledstva, tam nie ŭsio čysta było, i siońnia jeŭrapiejcy i amierykancy hetym zacikavilisia».

Viartajučysia da «kalijnaj spravy», A.Łukašenka zaŭvažyŭ: «Čamu vy ŭ Rasii nie zadalisia hetym pytańniem: čamu napiaredadni abvału viadučyja trymalniki akcyj («Urałkalij») pradali ich? Čamu, kali košt akcyj byŭ unizie, ich stali kuplać, u tym liku toj ža Kierymaŭ?».

Łukašenka pierakanany, što «hety kryzis stvorany štučna, kab na hetym zarabić». «Voś takija kampańjony dla nas niepažadanyja», - padkreśliŭ jon.

• 0
• 0
• 0
• 0
• 0
• 0
• 0
• 0