Narada z udziełam kiraŭnika dziaržavy pa prahnoznych dakumientach na 2014 hod zapłanavana na nastupny tydzień, paviedamiŭ ministr ekanomiki Mikałaj Snapkoŭ 22 listapada paśla sustrečy z deputatami parłamienta.
Jon adznačyŭ, što paśla dapracoŭki prahnoznych dakumientaŭ z deputatami jany buduć padadzieny na razhlad Alaksandru Łukašenku. «Paśla ŭvažlivaha razhladu kanstruktyŭnych prapanoŭ deputataŭ my budziem na 100% hatovy padać prahnoz prezidentu», — skazaŭ Snapkoŭ.
Aryjencirovačna narada projdzie 29-30 listapada, skazaŭ ministr.
Jak paviedamlałasia raniej, da hetaha času orhany dziaržkiravańnia padrychtavali prajekt prahnozu sacyjalna-ekanamičnaha raźvićcia na 2014 hod, prajekt respublikanskaha biudžetu, a taksama prajekt asnoŭnych kirunkaŭ hrašova-kredytnaj palityki na nastupny hod.
Prahnoznyja dakumienty praduhledžvajuć, što rost VUP Biełarusi ŭ 2014 hodzie składzie 3,3%, inflacyja źnizicca da 11%, realnaja (z ulikam inflacyi) zarabotnaja płata pavialičycca na 4,6%. Ekspart tavaraŭ i pasłuh vyraście na 11,6%. Salda handlovaha bałansu składziecca stanoŭčym u 105 młn. dołaraŭ.
Kamientary