Chłopčyk pamior ad šalenstva paśla kantaktu z kažanom — toj sieŭ małomu na tvar, pakul jon spaŭ
11‑hadovy chłopčyk pračnuŭsia siarod nočy ad taho, što jamu na tvar niechta sieŭ. Jon sahnaŭ žyviolinu, a baćka jaje złaviŭ i vypuściŭ na dvor. Na skury dziciaci nie zastałosia ni bačnych śladoŭ ukusu, ni drapin, tamu siamja nie źviartałasia pa miedycynskuju dapamohu. Praz 19 dzion u chłopčyka źjavilisia simptomy šalenstva, i vyratavać jaho ŭžo nie zmahli.
Hety vypadak nahadaŭ pra staryja biełaruskija zababony, jakija zhadvalisia ŭ vieršy, što prypisvali Paŭluku Bahrymu: «Oj, kažanie, kažanie, Čamu ž nie sieŭ ty na mianie, Kab ja bolšy nie padros Dy ad baćkavych kalos». Vypadak, pra jaki piša Daily Mail, adbyŭsia letam 2024 hoda ŭ paŭnočnaj častcy kanadskaj pravincyi Antarya.
11‑hadovy chłopčyk spaŭ, kali jamu na tvar sieŭ kažan. Chłopčyk pračnuŭsia, zmachnuŭ žyviołu, a baćka złaviŭ jaje i vypuściŭ na dvor. Siamja nie ŭbačyła padstaŭ dla turboty: na skury nie było ni kropli kryvi, ni drapin, ni znaku ŭkusu. Jak nie było bačnych traŭm, to baćki vyrašyli nie źviartacca pa miedycynskuju dapamohu.
Adnak praz 19 dzion stan chłopčyka rezka pahoršyŭsia. Spačatku źjaviłasia lohkaje niedamahańnie, ale nieŭzabavie raźvilisia ciažkija nieŭrałahičnyja simptomy. U chłopčyka zdranćvieŭ adzin bok tvaru, jaho ŭvieś čas vanitavała.
Pakolki siamja nie paviedamlała pra mahčymy ŭkus kažana i navat pra toje nie dumała, daktary pieršapačatkova šukali inšyja pryčyny chvaroby. Kali dyjahnaz «šalenstva» byŭ narešcie paćvierdžany, virus užo niezvarotna paraziŭ centralnuju niervovuju sistemu.
Chłopčyka źmiaścili ŭ adździaleńnie intensiŭnaj terapii, adnak jaho stan niaŭchilna horšaŭ. Praz dva tydni jon pamior. Jak adznačajuć śpiecyjalisty, paśla źjaŭleńnia kliničnych simptomaŭ šalenstva efiektyŭnaha lačeńnia ŭžo nie isnuje.
Sa zhody baćkoŭ hety vypadak apisali ŭ Canadian Medical Association Journal, kab dapamahčy praduchilić padobnyja trahiedyi ŭ budučyni.
Pavodle aŭtaraŭ, hałoŭnaja niebiaśpieka zaklučajecca ŭ tym, što kantaktu ź infikavanym kažanom možna nie zaŭvažyć. Ukusy hetych žyvioł časam nastolki drobnyja, što nie pakidajuć bačnych śladoŭ.
Ale adsutnaść rany nie aznačaje adsutnaści zaražeńnia. Kali kažan dakranaŭsia da čałavieka, asabliva da tvaru, nieabchodna nieadkładna źviarnucca pa miedycynskuju dapamohu. Daktary aceniać ryzyku i pry nieabchodnaści pryznačać paślakantaktnuju prafiłaktyku, jakaja moža praduchilić raźvićcio śmiarotnaj chvaroby.
Pavodle źviestak Centra pa kantroli i prafiłaktycy zachvorvańniaŭ ZŠA (CDC), kažany zastajucca asnoŭnaj krynicaj zaražeńnia ludziej šalenstvam u Paŭnočnaj Amierycy. Choć nośbitami virusa źjaŭlajucca mienš za 1% dzikich kažanoŭ, navat adzin kantakt ź infikavanaj žyviolinkaj biez svoječasovaj prafiłaktyki moža mieć śmiarotnyja nastupstvy.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała14
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary