FK «Stenles» ź Pinska pieražyvaje ciažkija časy: śledam za kiraŭnikom kłuba pamior mieniedžar kamandy
Učora kłub napatkała jašče adna ciažkaja strata — nie stała mieniedžara kamandy Vadzima Sidarčuka.
«Stenles» — pryvatny futbolny kłub ź Pinska, jaki vystupaje ŭ Druhoj lizie Biełarusi. Jaho ŭ 2017 hodzie zasnavaŭ pinski pradprymalnik Raman Hryškaviec. Naprykancy maja jon raptoŭna pamior. Učora kłub napatkała jašče adna ciažkaja strata — nie stała mieniedžara kamandy Vadzima Sidarčuka, piša Onliner.by.
Rana ranicaj u sacyjalnych sietkach kłuba źjaviłasia nastupnaje paviedamleńnie: «Na žal, nas znoŭ napatkała hora. Siońnia pamior mieniedžar našaj kamandy, čałaviek, jaki ź pieršych dzion byŭ razam z našym kłubam, čałaviek, ź jakim nieparyŭna źviazany FK «Stenles», — Vadzim Ivanavič Sidarčuk. Futbolny kłub «Stenles» smutkuje razam z usimi. Spačyvaj z Boham u Vaładarstvie Niabiesnym. Niachaj ziamla jamu budzie pucham».
— Vadzim Ivanavič da 2026 hoda pracavaŭ administrataram kłuba, a paźniej staŭ mieniedžaram kamandy: zajmaŭsia pytańniami, źviazanymi z dakumientacyjaj, ekipiroŭkaj i videazdymkaj matčaŭ. Paralelna jon pracavaŭ u našaj futbolnaj akademii.
Što stała pryčynaj śmierci? Sprava ŭ tym, što jon vielmi ciažka pieražyvaŭ śmierć Ramana Fiodaraviča Hryškaŭca. Na hetym fonie ŭ jaho ŭźnikli surjoznyja prablemy sa zdaroŭjem, i jaho špitalizavali. Na žal, Vadzima Ivanaviča nie stała. Jamu było 58 hadoŭ, — raskazali žurnalistu Onliner u kłubie.
Raźvitańnie z Vadzimam Sidarčukom adbudziecca siońnia. Jaho pachavajuć u vioscy Tarhašycy.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami32
Kamientary