Rasija i Biełaruś pakul abmiarkoŭvajuć bałans pastavak nafty tolki na pieršaje paŭhodździe 2014 hoda, paviedamlaje ahienctva Prajm sa spasyłkaj na ministra enierhietyki RF Alaksandra Novaka.
Adkazvajučy na pytańnie, jak idzie ŭzhadnieńnie pastavak na nastupny hod, Novak skazaŭ: «Ciapier tolki na pieršaje paŭhodździe abmiarkoŭvajem». Abjomaŭ jon nie ŭdakładniŭ.
Nahadajem, 12 śniežnia vice-premjer Rasii Arkadź Dvarkovič zajaviŭ, što padpisańnie naftavaha bałansu ź Biełaruśsiu budzie zaležać ad usiaho kompleksu dvuchbakovych adnosinaŭ.
13 śniežnia Maskva i Minsk uzhadnili abjom pastavak rasijskaj nafty ŭ Biełaruś u pieršym kvartale 2014 hoda na ŭzroŭni 5,75 miljona ton.
Premjer-ministr Biełarusi Michaił Miaśnikovič paśla pieramoŭ sa svaim rasijskim kaleham Dźmitryjem Miadźviedzievym zajaviŭ, što baki raźličvajuć padpisać bałans na ŭvieś 2014 hod.
Kamientary