Kancler FRH Anhieła Mierkiel, jakaja na kaladnych śviatach atrymała traŭmu pry katańni na łyžach i z-za hetaha admianiła šerah sustrečaŭ na najvyšejšym uzroŭni, u aŭtorak upieršyniu znoŭ źjaviłasia na publicy: jana sustrełasia ź dziećmi z choru, što śpiavajuć kaladki, źbirajučy takim čynam hrošy na dabračynnaść, dy praśpiavała ź imi.
Na tradycyjny pryjom, jaki štohod pravodzicca ŭ viedamstvie fiederalnaha kanclera ŭ centry Bierlina apošnija 30 hadoŭ, kiraŭnik urada FRH pryjšła na mylicach. U pačatku svajoj pramovy Mierkiel pryznałasia, što stajać joj pakul davoli ciažka.
Pra toje, što Mierkiel zvaliłasia, katajučysia na biehavych łyžach, i paciarpieła, stała viadoma 6 studzienia.
Incydent adbyŭsia ŭ Šviejcaryi jašče da Novaha hoda, adnak nakolki surjoznaja hetaja traŭma, kancler daviedałasia tolki 3 studzienia — padčas miedabśledavańnia, jakoje prajšło ŭžo pa jaje viartańni ŭ Bierlin. Spačatku Mierkiel mierkavała, što ŭ jaje tolki udar. Ale renthien pakazaŭ, što paciarpieła adna z tazavych kostak: u kanclera niapoŭny pierałom tazavaj kostki.
Traŭma, padobnaja da atrymanaj Mierkiel, jak praviła, lečycca biez uskładnieńniaŭ i jakich-niebudź nastupstvaŭ, zajaviła vice-prezident Abjadnańnia niamieckich chirurhaŭ Julija Zajfiert.
Kamientary