U sułtana Brunieja kala 7000 aŭtamabilaŭ za 5 miljardaŭ dalaraŭ pylacca ŭ schoviščach
Sułtan Brunieja Chasanał Bałkijach ličycca ŭładalnikam adnoj z najbujniejšych aŭtamabilnych kalekcyj u śviecie. Pavodle roznych acenak, jana naličvaje kala 7000 mašyn ahulnym koštam prykładna 5 miljardaŭ dalaraŭ, piša supercarblondie.com.
U kalekcyi jość nie tolki sieryjnyja madeli, ale i ŭnikalnyja aŭtamabili, stvoranyja śpiecyjalna pa indyvidualnych zakazach sułtana. Akramia taho, Chasanał Bałkijach źjaŭlajecca ŭładalnikam samaj vialikaj u śviecie paćvierdžanaj kalekcyi aŭtamabilaŭ Rolls-Royce — bolš za 600 mašyn, što zaniesiena ŭ Knihu rekordaŭ Hinesa.
Adnak značnaja častka hetaj kalekcyi ŭžo šmat hadoŭ znachodzicca ŭ zakrytych anharach i praktyčna nie vykarystoŭvajecca. Niekalki hadoŭ tamu ŭ internecie źjavilisia fotazdymki schoviščaŭ, jakija pakazali, što mnohija aŭtamabili pakrytyja pyłam i, vierahodna, doŭhi čas nie absłuhoŭvalisia.
Pavodle roznych paviedamleńniaŭ, sułtan vałodaje adrazu niekalkimi ekziemplarami mnohich redkich madelaŭ. U jaho jość jak minimum vosiem Ferrari F40, kalekcyja Porsche 959 roznych koleraŭ, čatyry Bugatti EB110, a taksama ad vaśmi da adzinaccaci McLaren F1 — u zaležnaści ad krynicy infarmacyi.
Taksama kalekcyja ŭklučaje 361 Bentley, siarod jakich usie šeść pazadarožnikaŭ Bentley Dominator, stvoranych vyklučna dla sułtana. Akramia hetaha, u jaho jość šeść Ferrari Enzo, piać Ferrari FX, vosiem Jaguar XJ220 i piać Ferrari F90.
Asobnaje miesca zajmajuć ekskluziŭnyja aŭtamabili, jakich nie isnuje ŭ inšych uładalnikaŭ. Naprykład, adzin z Ferrari F90 byŭ tajemna raspracavany dyzajnieram Pininfarina Enryka Fumija śpiecyjalna dla sułtana.
Bolšaść aŭtamabilaŭ u kalekcyi majuć indyvidualnyja madyfikacyi, a mnohija byli vyrablenyja ŭ adzinym ekzemplary.
Kamientary
Prichodit novyj russkij v avtosałon i hovorit prodavcu:
— Mnie vot tut mašina nužna, obiazatielno šiestisotyj «Miersiedies», čtob u nieho sidieńja iz dinozavrovoj koži byli, čtob sam on był zielonoho ćvieta v žiołtyj horošiek.
— Da, jesť u nas takoj, no tolko my točno takuju žie mašinu vam užie na prošłoj niediele prodali.
— Nu, u toj užie piepielnica zasoriłaś.