Rasija ŭdaryła avijabombaj pa Paŭłahradzie — troje zahinułych i dziasiatki paranienych
23 lipienia ŭ 12:00 rasijskija vojski nanieśli ŭdar kiravanaj avijabombaj pa Paŭłahradzie ŭ Dnieprapiatroŭskaj vobłaści Ukrainy. Pa słovach kiraŭnika Dnieprapiatroŭskaj abłasnoj administracyi Alaksandra Hanžy, cellu dla ataki stała pradpryjemstva charčovaj pramysłovaści.
U vyniku ŭdaru zahinuli try čałavieki. Jašče 28 atrymali ranieńni, siarod ich — dvuchhadovaja dziaŭčynka. Paviedamlajecca, što troje paciarpiełych znachodziacca ŭ reanimacyi ŭ ciažkim stanie, daktary zmahajucca za ich žyćcio.
Paśla traplańnia avijabomby na pradpryjemstvie ŭspychnuŭ pažar.
Staršynia Dnieprapiatroŭskaj abłasnoj rady Mikoła Łukašuk zajaviŭ, što Paŭłahrad faktyčna stanovicca pryfrantavym horadam. Pavodle jaho słoŭ, heta aznačaje mienšy čas na reahavańnie na pavietranyja pahrozy i pavyšanuju niebiaśpieku dla mirnaha nasielnictva.
Heta ŭžo nie pieršy ŭdar kiravanaj avijabombaj pa Paŭłahradzie. 20 lipienia rasijskija vojski ŭpieršyniu vykarystali takuju zbroju suprać horada. Tady byŭ paškodžany žyły dom, zahinuli dva čałavieki, jašče 15, u tym liku dzieci, atrymali ranieńni.
Paśla novaj ataki prezident Ukrainy Uładzimir Zialenski zaklikaŭ mižnarodnych partnioraŭ pavialičyć pastaŭki rakiet dla sistem supraćpavietranaj abarony, u pryvatnaści dla kompleksaŭ Patriot, adznačyŭšy, što heta nieabchodna dla bolš efiektyŭnaj abarony nasielnictva ad rasijskich avijacyjnych udaraŭ.
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku44
Kamientary