Łukašenka: Ja chaču, kab našy ludzi svabodna razmaŭlali na biełaruskaj movie
Alaksandr Łukašenka ličyć prablemu biełaruskaj movy palityzavanaj. Pra heta jon zajaviŭ siońnia na sustrečy z kiraŭnikami najbujniejšych biełaruskich ŚMI, pieradaje karespandent BIEŁTA.
Na zaŭvahu kiraŭnikoŭ niekatorych niedziaržaŭnych ŚMI ab niedastatkovym kłopacie ab raźvićci biełaruskaj movy Alaksandr Łukašenka prapanavaŭ adkryć pry dziaržaŭnych instytutach i univiersitetach śpiecyjalnyja kursy dla tych, chto žadaje vyvučać biełaruskuju movu.
«Ja absalutna nie suprać biełaruskaj movy, — skazaŭ jon. — Ja navat bolš, čym vy, chaču, kab našy ludzi svabodna razmaŭlali na biełaruskaj movie. Adzinaje, što ja nie prymaju, — heta cisk. Jak tolki pačynaješ cisnuć — zvarotnaja reakcyja».
Alaksandr Łukašenka ličyć, što ŭ svoj čas naviazvańnie biełaruskaj movy było pamyłkaj apazicyi. «Biełaruskaja mova - heta nie faktar dla razyhryvańnia palityki. I my spakojna vyviedziem krainu, ja vam harantuju, kali nie budzie razvah pra toje, što my ŭciskajem biełaruskuju movu, a padymajem anhlijskuju albo rasiejskuju. Nie treba zališnie ŭryvacca ŭ heta. Heta vielmi tonkaja žyvaja materyja. My heta zrobim spakojna», — skazaŭ Łukašenka.
«Heta palityzavanaja prablema, — miarkuje Alaksandr Łukašenka. — Kali chočaš zahavaryć na biełaruskaj movie — razhortvaj knihu i čytaj».
«Biełaruskaja mova — nie dziela revalucyi», — dadaŭ jon.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina15
Kamientary