Siońnia Jury Puntus prybyŭ u Mazyr, dzie aficyjna aformiŭ pracoŭnyja adnosiny z FK «Słavija».
Taksama ź im pryjechaŭ i adzin ź jaho pamočnikaŭ – Anatol Vajcechovič. Druhim pamočnikam treniera pryznačany mazyrski śpiecyjalist Michaił Marcinovič.
Dyrektar kłuba Andrej Vasilec, pradstaŭlajučy novaha hałoŭnaha treniera, zaznačyŭ: «Zaraz, pačynajučy novy pieryjad pracy, my chočam nie prosta sabrać kamandu na karotki pieryjad, a imkniemsia da dasiahnieńnia surjoznaha vyniku na ŭsich kirunkach pracy».
Jury Puntus padtrymaŭ słovy dyrektara:
«Viadoma, my budziem źviartać vialikuju ŭvahu na raźvićcio dziciačaha i junackaha futboła. My chočam ščylna pracavać ź miascovymi chłopcami. Adnak varta razumieć, što im nieabchodna na kahości raŭniacca. I asnoŭnaja kamanda – heta mienavita taja pachodnia, jakaja ciahnie za saboj maładoje pakaleńnie. Kali niama hetaj pachodni, tady nie budzie i dynamičnaha raźvićcia futboła ŭ horadzie».
Pieršy zbor kamandy adbudziecca 5 lutaha, kali ŭ stan kłuba prybudzie šerah futbalistaŭ. Zatym hulcy pačnuć paŭnavartasnyja treniroŭki, paśla čaho nakirujucca ŭ Brest dla ŭdziełu ŭ tavaryskim turniry, jaki budzie prachodzić z 13 pa 15 lutaha.
Kamientary