U Indyi fanaty ŭčynili pahrom paśla sarvanaha vychadu Lijanela Miesi
Vizit Lijanela Miesi ŭ Indyju abiarnuŭsia masavymi biesparadkami. U Kalkucie fanaty vyjšli z-pad kantrolu paśla karotkaha źjaŭleńnia arhiencinskaj zorki na stadyjonie Salt Lake Stadium, raźličanym prykładna na 85 tysiač hledačoŭ, piša Times of India.
Heta byŭ pieršy punkt tura Miesi pa Indyi adrazu paśla jaho pieramohi ŭ MLS. Jašče da pryjezdu futbalista ŭ krainie jamu ŭstalavali 21‑mietrovy pomnik, ale sam start turne pajšoŭ zusim nie pa płanie.
Pavodle danych indyjskich ŚMI, abchod trybun daviałosia pierapynić z-za pahroz biaśpiecy: u bok pola pačali lacieć butelki, i Miesi terminova vyvieli pad achovaj. Paśla hetaha situacyja rezka abvastryłasia. Na videa z sacyjalnych sietak bačna, jak hledačy vyryvali kresły, vybiahali na hazon, zryvali baniery i łamali rekłamnyja kanstrukcyi.
«Vakoł Miesi byli tolki palityki i aktory. Tady navošta nas uvohule zaprasili? My zapłacili 12 tysiač rupij (bolš za sto jeŭra) i navat nie ŭbačyli jaho tvaru», — zajaviŭ adzin z zaŭziataraŭ Times of India.
Dadatkovaje abureńnie vyklikała toje, što častka aficyjnych asob i palitykaŭ, pavodle słoŭ vidavočcaŭ, apynułasia bližej da futbalista, čym zvyčajnyja hledačy. Z-za pierapoŭnienych trybun i surjoznych prablem ź biaśpiekaj Miesi pajšoŭ sa stadyjona raniej, čym płanavałasia, tak i nie parazmaŭlaŭšy z bolšaściu fanataŭ.
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ6
Kamientary