U Biełarusi mohuć uvieści kryminalnuju adkaznaść za kalekcyjanavańnie dziciačaj parnahrafii
U Ministerstvie ŭnutranych spraŭ Biełarusi vyvučajecca pytańnie ab uviadzieńni kryminalnaj adkaznaści za kalekcyjanavańnie dziciačaj parnahrafii.
Pra heta na pres-kanfierencyi 6 lutaha paviedamiŭ namieśnik načalnika ŭpraŭleńnia pa narkakantroli i procidziejańni handlu ludźmi MUS Siarhiej Kołtun.
Pavodle jaho infarmacyi, u 2013 hodzie ŭ śfiery raspaŭsiudžvańnia dziciačaj parnahrafii było vyjaŭlena 27 złačynstvaŭ, ź jakich 66% — u internecie.
«Na 13 hadoŭ pazbaŭleńnia voli asudžany žychar adnaho z abłasnych centraŭ Biełarusi, jaki nie tolki mieŭ sieksualnyja adnosiny sa svaim małaletnim synam, ale i zdymaŭ na videa i raspaŭsiudžvaŭ u internecie siarod padobnych sabie piedafiłaŭ», — raskazaŭ pradstaŭnik MUS.
Letaś supracoŭnikami słužby pa narkakantroli i procidziejańni handlu ludźmi ŭ krainie było vyjaŭlena 110 złačynstvaŭ, jakija tyčacca piedafilii, ź ich 56 ciažkich i asabliva ciažkich. Pa kryminalnych spravach ustanoŭlena 113 paciarpiełych dziaciej, uklučajučy 82 małaletnich. Ustanoŭlena 60 padazronych u piedafilii, ź ich 25 źniavolenyja pad vartu.
Pavodle słoŭ Siarhieja Kołtuna, va ŭsich rehijonach Biełarusi ažyćciaŭlajecca pastajanny manitorynh u dziciačych damach, internatach i inšych ustanovach adukacyi z metaj vyjaŭleńnia złačynstvaŭ u dačynieńni da dziaciej, źviazanych z raspaŭsiudžvańniem dziciačaj parnahrafii i piedafilii.
Pradstaŭnik MUS paviedamiŭ, što ŭ krasaviku minułaha hoda byŭ zatrymany baćka-vychavalnik dziciačaha doma siamiejnaha typu, jaki hvałtavaŭ svaich vychavanak. Materyjały 13 kryminalnych spraŭ pieradadzienyja ŭ sud. Rodny 17-hadovy syn piedafiła ŭžo asudžany na 9 hadoŭ pazbaŭleńnia voli za anałahičnyja złačynstvy.
Letaś pa materyjałach vaśmi kryminalnych spraŭ vyniesieny abvinavaŭčy pryhavor — 13 hadoŭ pazbaŭleńnia voli — sacyjalnamu piedahohu ź Minska. Jon učyniaŭ sieksualnyja hvałtoŭnyja i raspusnyja dziejańni ŭ dačynieńni da małaletnich i niepaŭnaletnich.
«MUS było inicyjavana i padtrymana ŭ parłamiencie ŭzmacnieńnie adkaznaści za piedafiliju z 5 da 10 hadoŭ pazbaŭleńnia voli pa art. 168 KK», — skazaŭ Siarhiej Kołtun. Pry hetym, pavodle jaho słoŭ, niekatoryja deputaty naohuł prapanoŭvajuć karać za piedafiliju pazbaŭleńniem voli na termin da 20 hadoŭ.
Kamientary