Nivodnaja ź biełaruskich frystajlistak nie prabiłasia ŭ finał spabornictvaŭ pa łyžnaj akrabatycy ŭ pieršaj kvalifikacyi
Siońnia na Alimpijadzie ŭ Italii razyhryvajucca miedali ŭ łyžnaj akrabatycy ŭ frystajle.
Kvalifikacyja pavinna była prajści ŭčora, ale była admienienaja praź śniehapad. Kab trapić u finał, treba ŭvajści ŭ šaściorku najlepšych u adnoj z kvalifikacyj.
Hanna Huśkova ŭ pieršaj kvalifikacyi pakazała siomy vynik z 88,29 bałami. Anastasija Andryjanava — 15‑ia (74,02), Hanna Dziaruha — 20‑ia (58,9 bała).
Pieršaje miesca ŭ kvalifikacyi ŭ kanadki Maryjon Teno (108,61), aŭstralijka Deniel Skot — druhaja (99,59). Treciaje miesca ŭ kitajanki Ksiu Šaa (90,22).
Jašče šeść finalistak buduć z druhoj kvalifikacyi, pačatak a 12:45.
Finał z 12 udzielnicami projdzie a 15‑j pa minskim časie.
Biełarusy brali miedali ŭ frystajle na kožnaj Alimpijadzie pačynajučy z 1998 hoda. Hanna Huśkova zavajavała zołata na Alimpijadzie-2018 i srebra na Alimpijadzie-2022.
Kamientary