ZŠA ŭžo admianili vizy niekatorym ukrainskim čynoŭnikam, jakija majuć niepasrednaje dačynieńnie da ŭžyvańnia siły suprać mitynhoŭcaŭ na Majdanie.
Pra heta ambasadar ZŠA Džefry Pajiet zajaviŭ žurnalistam paśla bryfinhu ministra zamiežnych spraŭ Leanida Kožara z pradstaŭnikami dypmisij u Ukrainie.
«My ŭžo kazali, što ŭsie instrumienty našaj palityki zaraz vykładzienyja na stoł, i ja čakaju, što nieŭzabavie z Vašynhtona prahučać novyja zajavy. My vielmi vyrazna dali zrazumieć našu pazicyju ŭ dačynieńni da hvałtu ŭ kantekście Majdana i, u toj ža čas, vykazalisia za toje, što pravy na mirny pratest pavinny być abaronienyja. U hety kryzisny momant va Ukrainie my spadziajemsia na liderskuju rolu prezidenta Janukoviča. I my spadziajemsia, što jon skarystajecca šancam viarnuć svaju krainu na šlach da demakratyčnaj i kvitniejučaj budučyni», — skazaŭ amierykanski pasoł.
Prezident Jeŭrapiejskaha savieta Hierman van Rampiej taksama zajaŭlaje pra hatoŭnaść Jeŭrasajuza ŭ adkaz na paharšeńnie situacyi va Ukrainie ŭvieści adrasnyja sankcyi — u tym liku vizavyja abmiežavańni i finansavyja sankcyi — suprać tych, chto maje dačynieńnie da hvałtu.
Pra heta havorycca ŭ zajavie Rompieja pra situacyju va Ukrainie, u jakoj jon taksama vystupaje za spynieńnie hvałtu i pačatak palityčnaha dyjałohu i vykazvaje spačuvańni siemjam zahinułych padčas sutyknieńniaŭ u Kijevie.
Ciapier čytajuć
Poŭny śpis palitviaźniaŭ, vyzvalenych 13 śniežnia7
Kamientary