Usio ž rasiejskija dyplamaty — fejeryčnyja… chłopcy
Sprava navat nia ŭ tym, što vajskovaja aperacyja, akazvajecca, pravodzicca na prośbu persanaža, jaki «praktyčna nikčemny» na dumku navat premjera Rasiei. Ale, jak toj kazaŭ, abo zdymicie kryž, abo nadzieńcie trusy.
Paru tydniaŭ tamu Pucin, achviaravaŭšy asałodaj nazirańnia za Alimpijadaj, sustrakaŭsia z kim? Z feldmaršałam Sisi, vierchavodam antykanstytucyjnaha pieravarotu, jaki razam z tamtejšym «ahidnym» Majdanam zrynuŭ zakonna abranaha prezydenta Mursi, pierabiŭ niekalki socień prychilnikaŭ hetaha samaha prezydenta i zabaraniŭ jaho partyju. I jak tam nakont čyścini pracedury źmieny ŭłady? Voś durań Mursi – nie pryjšło ŭ hałavu paprasić Rasieju pra ŭzbrojenaje ŭmiašańnie dla adnaŭleńnia kanstytucyjnaj zakonnaści. Nie pytańnie ž: rasiejskaja armija – kštałtu taksi, luby kapryz klijenta. I čyściniu pracedury i ŭ «piaskach piramidaŭ» adnavili b na raz. Ale Pucin ź Sisi ab pracedury čamuści nie pryhadvaŭ, a navat pažadaŭ tamtejšamu Turčynavu ŭ pahonach pieramohi na prezydenckich vybarach, na jakija toj u toj momant navat nie źbiraŭsia vyłučacca.
Možna pryhadać i Kirhiziju ŭ 2010 hodzie. Čamuści tady prośby i zaklinańni prezydenta Bakijeva, zrynutaha z pasady taksama metadam, jaki nia ŭ poŭnaj miery adpaviadaje strohaj kanstytucyjnaj pracedury, nie znachodzili nijakaha vodhuku ŭ Maskvy. Łukašenka, darečy, tady jakraz i prapanoŭvaŭ siłami ADKB padtrymać kirhiskaha «karala ŭ vyhnańni», ale tady Maskva addavała pieravahu damoŭlenaściam ź liderami biškieckaha pieravarotu ŭ dvukośsi ci biez.
I kaho zaraz spadar Čurkin trymaje za łochaŭ?
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary