Łukašenka prapanavaŭ addać Ukrainu jamu jak čałavieku, u jakoha karani zakapanyja pamiž Čarnihavam i Kijevam
Łukašenka znajšoŭ svaje karani: zakapanyja pamiž Čarnihavam i Kijevam. Pra heta kiraŭnik dziaržavy raspavioŭ na pasiadžeńni Rady biaśpieki 12 sakavika, kali kamientavaŭ padziei va Ukrainie.
«Vy viedajecie, mianie ŭ apošni čas usio čaściej (heta ad hramadskaści ŭtojena), pytajucca: voś, vy, jak čałaviek, u jakoha karani zakapany pamiž Čarnihavam i Kijevam, što treba rabić va Ukrainie, kab pieraadoleć toj kryzis? — raskazvaŭ Alaksandr Łukašenka. — Ja žartam adkazvaju: vy nie napružvajciesia, prosta treba pracavać, a kali vy nie viedajecie, što rabić, daručycie nam hetuju krainu, i da kanca hoda my zabiaśpiečym tam i stabilnaść, i adzinstva naroda, i cełasnaść dziaržavy».
Jak viadoma, Alaksandr Łukašenka naradziŭsia ŭ 1954 hodzie ŭ Kopysi ŭ Aršanskim rajonie, a paśla žyŭ z maci ŭ vioscy Aleksandryja Škłoŭskaha rajona. Havoračy pra «karani pamiž Čarnihavam i Kijevam» jon, vierahodna, mieŭ na ŭvazie svajho dzieda Trafima, uradženca Sumskaj vobłaści Ukrainy.
Na videa hety momant hł. ad 3.55.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»5
Kamientary