Apošni śviedka Niurnbierhskaha trybunała — 87-hadovy pałtaviec Josip Hofman — zaklikaŭ kiraŭnikoŭ dziaržaŭ byłoj antyhitleraŭskaj kaalicyi spynić Rasieju, pakul nie pozna.
Pałkoŭnik u adstaŭcy i były achoŭnik hałoŭnaha abvinavaŭcy ad SSSR padčas trybunała ličyć, što ciapierašnija dziejańni Rasiei mohuć pryvieści da Treciaj suśvietnaj vajny, paviedamlaje ŭkrainski telekanał TSN.
«Mnie navat u strašnym śnie nie mahło pryśnicca, što kaliści braty-słavianie buduć zachoplivać adzin u druhoha terytoryi, u pryvatnaści, Krym», — adznačyŭ Hofman.
Bolš za ŭsio jaho źbiantežyła apošniaja pramova prezidenta Rasii ŭ Kramli i reakcyja na jaje prysutnych. Niešta padobnaje, kaža, jon užo bačyŭ.
«Voś tak parady pravodziŭ Hitler. Ja hladzieŭ, jak apładziravali deputaty Dziarždumy… Navošta? Heta tolki zambavanyja ludzi, jakija stracili pačućcie adkaznaści, nie miślačy, mahli voś tak ciešycca», — kaža Hofman.
Raźviedka ZŠA: Biełaruś stała pieradavym vajskovym płacdarmam Rasii24
Kamientary