Rašeńnie ŭrada: baćki buduć apłačvać poŭny košt charčavańnia dziaciej u sadach
Z 1 krasavika baćki buduć apłačvać poŭny košt charčavańnia svaich dziaciej va ŭstanovach daškolnaj adukacyi. Pastanovaj Saŭmina №266 ad 27 sakavika vyrašana pavialičyć hetuju normu adrazu na 40%. Va ŭradzie kažuć, što atrymanyja srodki pojduć na pavyšeńnie zarobkaŭ vychavalnikaŭ.
« U ciapierašni čas vydatki biudžetu na ŭtrymańnie adnaho dziciaci va ŭstanovie daškolnaj adukacyi składajuć u siarednim 1,5 miljona rubloŭ u miesiac, baćki apłačvajuć usiaho kala 20 % vydatkaŭ, — kamientujuć pryniaćcie dakumienta va ŭradzie. — Paśla pryniaćcia pastanovy baćki buduć apłačvać u poŭnym abjomie tolki košt naboru praduktaŭ charčavańnia, heta značyć płata baćkoŭ pavialičycca ŭ siarednim na 150 tysiač».
Pry hetym šmatdzietnyja siemji pa-raniejšamu buduć płacić za charčavańnie ŭ dziciačych sadkach tolki pałovu jaho koštu. Baćki dziaciej-invalidaŭ, dziaciej, jakija pakutujuć ad ankałahičnych zachvorvańniaŭ, chvorych na tubierkuloz, inficyravanych virusam imunadeficytu čałavieka, a taksama členy siemjaŭ vajennasłužačych, jakija zahinuli pry vykanańni voinskaha abo słužbovaha abaviazku, jak i raniej, buduć vyzvalenyja ad dadzienych vydatkaŭ.
«Uviedzieny i novyja ilhoty pa apłacie charčavańnia dla asobnych katehoryj hramadzian. Hetak, na 30% źnižanaja płata dla siemjaŭ, u jakich dvoje dziaciej naviedvajuć daškolnuju ŭstanovu, na 50% — dla apiekunoŭ, pryjomnych baćkoŭ, baćkoŭ-vychavalnikaŭ dziciačych damoŭ siamiejnaha typu, dziciačych viosak (haradkoŭ )», — kažuć pra novaŭviadzieńni ŭ pres-słužbie Savieta ministraŭ.
Ciapier čytajuć
Łukašenka niezadavoleny vice-premjerkaj Natallaj Piatkievič — «buksuje»21
Kamientary