Miascovyja žychary ciahnuć kamiani pomnikau dziela haspadarčych patreb, a nazad valać tonny śmiećcia…
Kaścioł. Reštki… Zastalisia adny vonkavyja ścieny, niekalki pieraharodak. Vidovišča zvonku sumnaje, ale jak tolki traplaješ praz hałoŭny uvachod u byłuju kaściolnuju zalu, to adrazu ŭjaulaješ charastvo i pryhažość, jakija tut kaliści byli. Na dźviuch voknach zachavalisia kraty, dzie‑nidzie zastalisia ramy vakon, na uvachodzie jašče visić pravaja pałova bramy, u pavietry niejkim cudam viasiołkaj visiać taniusieńkija jak pavucińnie reštki dachavych sklapieńniaŭ…
Ale bolš za usio uražvaje skulptura Maci Božaj, jana zastałasia zusim niekranutaj, nad joj tolki busłava hniazdo, kavany kryž nad byłym dacham j naša sumnaje lićvinskaje nieba… Pry hetym uvieś fasad kaściołu ŭ drabinach kul j askołkaŭ moža z apošniaj vajny, a moža z hvałtu rasiejska‑balšavickaha 20‑ch hadoŭ…
Vakoł kaściołu mohiłki, ad mohiłkavaj aharodžy zastałosia 7‑8 metraŭ kamiennaha płytu ad vulicy… Mohiłki ŭražvajuć, nahadvajuć sceny z «Dzikaha palavańnia», uražvajuć daŭninoj pachavańniaŭ, pajšoŭšymi u ziamlu kryžami dy pomnikami. Pradzirajučysia praz bez dy inšy chmyźniak, jakim paraśli ŭsio mohiłki, razhortvajučy ad pomnikaŭ kučy śmiećcia, jakim zavalili ŭsiu prastoru vakoł kaściołu «błahodarnyje potomki», zaŭvažaješ daty pachavańniaŭ: 1833, 1810, 1795… Uražvajuć pryhožyja, poŭnyja honaru i pavahi imiony našych prodkau (nijakich tam Vovaŭ, Dzimaŭ ci Siarožaŭ), jašče zastalisia adzinkavyja reštki kavanych aharodžaŭ, urosšyja u ziamlu, materiał pomnikau nia tolki z paloŭ — jość navat bieły italjanski marmur, dzivić jakaść pracy majstoŭ — litary na vialikich pomnikach idealnyja, možna mieć dumku, što rabili ich sučasnymi pryładmi, a nie rukami, ale nie…
Ale, jak i usio vakoł, mohiłki źnikajuć, zarascajuć chmyźniakom i śmiećciem, pomniki ŭsie ŭ śladoch hvałtu, tak navat z pravaha boku ad kaściołu pavierch mahilnych kamianiou pakładzieny asfalt i kaliści była zroblena placoŭka. Miascovyja žychary ciahnuć kamiani pomnikau dziela haspadarčych patreb, a nazad valać tonny śmiećcia, na mohiłkach pasucca koni, karovy, kury…
-
Da kanca hoda ŭ sieryjnuju vytvorčaść źbirajucca zapuścić biełaruski aŭtamat
-
Biznesmien Zajcaŭ bolš nie choča asacyjavacca ź fiestyvalem «Soncastajańnie»
-
«Chočaš, kab u ciabie nohi admovili, jak u Ihnatoviča?» Łosik raskazaŭ, jak pierasiakaŭsia ŭ turmie z asudžanymi za zabojstva Dźmitryja Zavadskaha
Kamientary