Ukraina paprasiła ŭ Słavakii dostup da jaje hazatranspartnych sietak

Minenierhavuhla Ukrainy prapanavała stvaryć metavuju hrupu, zadačaj jakoj budzie vypracoŭka chutčejšaha i tannaha varyjantu reviersnych pastavak.

Ministerstva enierhietyki i vuhalnaj pramysłovaści Ukrainy źviarnułasia da Słavackaj Respubliki z prośbaj arhanizavać prazrysty razhlad mahčymaściaŭ dostupu da hazatranspartnych sietak, jakija naležać słavackamu apierataru Eustream, pieradaje UNIAN.

«Ministerstva enierhietyki i vuhalnaj pramysłovaści Ukrainy vitaje i padtrymlivaje stanoŭčaje staŭleńnie Ministerstva ekanomiki Słavackaj Respubliki pa arhanizacyi pastavak hazu z krain JeC va Ukrainu praz terytoryju Słavakii», - havorycca ŭ paviedamleńni.

Adznačajecca, što ŭkrainski bok taksama vitaŭ by paćvierdžańnie hetaj pazicyi realnymi krokami, nakiravanymi na arhanizacyju reviersnaha patoku pryrodnaha hazu va Ukrainu ci arhanizacyju pastavak pa schiemie zamiaščeńnia. U ministerstvie padkreślili, što ŭkrainski bok taksama padtrymlivaje standartny padychod u pradastaŭleńni dostupu jeŭrapiejskim trejdaram da hazatranspartnaj sietki Słavackaj Respubliki ŭ adpaviednaści z normami JEZ. «Navat prymajučy pad uvahu važnaść i nieardynarnaść isnujučaha momantu, my nie patrabujem nijakaha asablivaha padychodu da vyrašeńnia hetaha pytańnia», - havorycca ŭ paviedamleńni.

«Adnačasova, uśviedamlajučy paŭnatu adkaznaści našych uradaŭ za stabilnaje i nadziejnaje zabieśpiačeńnie pryrodnym hazam spažyŭcoŭ jak Ukrainy, tak i JEZ, my prosim arhanizavać prazrysty razhlad mahčymaściaŭ dostupu da hazatranspartnych sietak, jakija naležać Eustream, - padkreślivajecca ŭ paviedamleńni.

- My, jak nichto inšy, zacikaŭlenyja ŭ tym, kab nie marnavać čas. Ukrainski bok šmatkroć prapanoŭvaŭ pačać razhlad usich najaŭnych techničnych mahčymaściaŭ dla arhanizacyi pastavak z kampresarnaj stancyi Vielkie Kapušany. Tamu my nie možam pahadzicca z vysnovaj słavackaha boku ab adsutnaści zacikaŭlenaści naviedać hetuju kampresarnuju stancyju. Naadvarot, prapanova niepasredna prapracavać mahčymaści pastavak mienavita na hazakampresarnaj stancyi Vielkie Kapušany, a taksama na stancyi Užharad nieadnarazova adrasavałasia słavackamk boku».

Minenierhavuhla taksama prapanavała stvaryć metavuju hrupu, u tym liku pry ŭdziele pradstaŭnikoŭ Jeŭrakamisii, zadačaj jakoj budzie vypracoŭka chutčejšaha i tannaha varyjantu reviersnych pastavak. Akramia taho, ministerstva pakazvaje słavackamu boku na toje, što nie maje pryncypovych piarečańniaŭ suprać padpisańnia miemaranduma ab reviersnych pastaŭkach. «Prosim razhladać hety zvarot jak paćviardžeńnie hatoŭnaści nieadkładna, pačynajučy z 8 krasavika biahučaha hoda, pačać sumiesnuju pracu śpiecyjalistaŭ niepasredna na stancyjach Vielkie Kapušany i Užharad», - havorycca ŭ paviedamleńni ministerstva.

• 0
• 0
• 0
• 0
• 0
• 0
• 0
• 0