Advakaty rychtujucca «zmahacca» dalej i raźličvajuć na vyzvaleńnie abodvuch biełarusaŭ.
Maskoŭski sud nie zadavoliŭ kasacyjnuju skarhu, ale źmienšyŭ termin pakarańnia na 5 hadoŭ. Ciapier advakaty rychtujucca «zmahacca» dalej i raźličvajuć na vyzvaleńnie abodvuch biełarusaŭ.
Siońnia ŭ Maskvie adbyŭsia razhlad kasacyjnaj skarhi ŭ dačynieńni da prysudu dvum biełarusam. Nahadajem, Alaksandra Čačurava i Siarhieja Łahuna asudzili na 14 hadoŭ pazbaŭleńnia voli za tabletki ad kašlu «Tusał».
Sud admoviŭ u zadavalnieńni skarhi, ale ahulny termin pakarańnia źmienšyŭ z 14 da 9 hadoŭ. Pra heta Jeŭraradyjo paviedamiŭ advakat Stanisłaŭ Markiełaŭ.
m
«Jany pakinuli bieź źmienaŭ abodva artykuły pakarańnia i, takim čynam, dali mnie ŭsie šancy dla taho, kab dalej zmahacca za vyzvaleńnie Čačurava i Łahuna».
Nahadajem, abodva biełarusa byli zatrymanyja 7 sakavika hetaha hoda ŭ Maskvie. Ich abvinavacili ŭ kantrabandzie. Alaksandr Čačuraŭ i Siarhiej Łahun zajmalisia handlem miedykamientami praź Internet i na zamovu pakupnikoŭ z Maskvy pryvieźli na prodaž 1 tysiaču ŭpakovak tabletak «Tusał».
Hetyja tabletki svabodna pradajucca va ŭsich biełaruskich aptekach, ale ŭ Rasii zaličanyja ŭ katehoryju mocnadziejnych psichatropnych rečyvaŭ. Jak vyśvietliłasia padčas zatrymańnia, pakupnikami byli apieratyŭniki Dziaržnarkakantrolu.
Siarod milicyjantaŭ takija dziejańni nazyvajucca «apieratyŭnymi mierapryjemstvami». Maskoŭski advakat biełaruskich «narkadyleraŭ» Stanisłaŭ Markiełaŭ nazyvaje dziejańni milicyjantaŭ «pravakacyjaj».
Što Babaryka i Kaleśnikava adkazali na pytańni pra vajnu97
Kamientary