Tysiačy pałomnikaŭ sabralisia ŭ Ijerusalimie ŭ čakańni Žyvatvornaha ahniu
U hetym hodzie pravasłaŭnyja i kataliki śviatkujuć Vialikdzień u adzin dzień — 20 krasavika, tamu na hety raz pałomnikaŭ-chryścijan u Jerusalimie asabliva šmat.
Dziasiatki tysiač chryścijan z usiaho śvietu sabralisia na vulicach Staroha Jerusalima, kab być śviedkami cyrymonii sychodžańnia Žyvatvornaha ahniu, jaki štohod zaharajecca pa malitvach pravasłaŭnych u Vialikuju subotu, napiaredadni Vialikadnia, u samym śviatym dla chryścijan miescy — kaplicy nad plitoj Truny Haspodniaj (Kuvuklii) u Jerusalimski chramie Uvaskresieńnia Chrystova (Truny Hospada).
Nieŭzabavie ahoń raspaŭsiudziać ad śviečki da śviečki pa ŭsim chrama Truny Haspodniaj i siarod pałomnikaŭ, što zapoŭnili vulicy Staroha horada.
Ludzi z samaj ranicy napoŭnili vuzkija vulicy ŭnutry kamiennych ścien Staroha horada, jakija majuć praciahłaść krychu bolš za try kiłamietraŭ pa pierymietry. Palicyja dziažuryć kala ŭsich haradskich varot i ŭstanaŭlivaje pramiežkavyja kardony pa šlachu da chrama Truny Haspodniaj, kab paźbiehnuć ciskaniny.
Ścieny Jerusalima, jakija stali jaho vizitnaj kartkaj, byli ŭźviedzieny 500 hadoŭ tamu, u kiravańnie Sulejmana Cudoŭnaha na miescy bolš staražytnych — ścien časoŭ kryžakoŭ. Jany razam ź inšymi histaryčnymi budynkami horada, šmatlikimi kamiennym chramami i kirmašami stvarajuć asablivuju niepaŭtornuju atmaśfieru dla pałomnikaŭ, jakija pravodziać šmatlikija hadziny plačom da plača ŭ imknieńnie trapić u hałoŭny chryścijanski chram, ubačyć ŭračystyja pracesii duchavienstva i cud sychodžańnia Žyvatvornaha ahniu.
Ludzi padtrymlivajuć adno adnaho malitvami i śpievami.
***
Žyvuju tranślacyju cyrymonii ź Jerusalima možna pabačyć na kanale NTV a 14 hadzinie pa minskim časie.
Ciapier čytajuć
Što Babaryka i Kaleśnikava adkazali na pytańni pra vajnu93
Kamientary