Novaja dziaŭčyna z akružeńnia Łukašenki — pieramožca konkursu pryhažości «Karaleva Viasna»
Pryhožaja brunietka, jakaja padčas pasłańnia Alaksandra Łukašenki siadzieła pa pravuju ruku ad pamočnicy prezidenta Natalli Piatkievič, akazałasia pieramožcaj konkursu «Karaleva Viasna — 2013».
Darja Šmanaj raspaviała, što sapraŭdy «pracuje tam», ale nie ŭdakładniła, dzie i kim.
Vystup kiraŭnika krainy joj spadabaŭsia. Darja ličyć, što heta dobraje mierapryjemstva, bo prezident kaža šmat karysnych rečaŭ. Słuchać jaho było cikava, usio spadabałasia, i nijakich minusaŭ u vystupie nie zaŭvažyła.
Darja Šmanaj — u hetym hodzie zakančvaje Ulikova-ekanamičny fakultet Biełaruskaha dziaržaŭnaha ekanamičnaha ŭniviersiteta. Pastupała jana pa śpiecyjalnaści «Buchhałtarski ulik, analiz i aŭdyt u handli i hramadskim charčavańni».
Jana była pieramožcaj takich konkursaŭ, jak «Mis BDEU», Mižnarodnaha mižvnušnaha konkursu hracyi i artystyčnaha majsterstva «Karaleva Viasna — 2013». Była viadučaj konkursaŭ «Art-vakacyi», «Student hoda 2012», «Usiebiełaruskaja patryjatyčnaja akcyja «My hramadzianie Biełarusi!». Jak adznačałasia padčas letašniaha konkursu, Darja viadzie aktyŭny ład žyćcia, tancuje, zajmajecca sportam i doryć navakolnym svaje ŭśmieški.
Nahadajem, što padčas zvarotu Łukašenki da biełaruskaha naroda i nacyjanalnaha schodu Darja Šmanaj siadzieła na trybunie z hałoŭnymi čynoŭnikami krainy pa pravuju ruku ad pamočnicy prezidenta Natalli Piatkievič. Niepadalok ad jaje vystup słuchali kiraŭnik hałoŭnaha ideałahičnaha ŭpraŭleńnia Administracyi prezidenta Usievaład Jančeŭski, pamočnik kiraŭnika krainy pa sporcie Maksim Ryžankoŭ, ministry i inšyja čynoŭniki.
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary