Siońnia zajaŭniki Sacyjalnaha maršu praviali pres‑kanferencyju pa vynikach praviadzieńnia akcyi 4 listapada.
Siońnia zajaŭniki Sacyjalnaha maršu praviali pres‑kanferencyju pa vynikach praviadzieńnia akcyi 4 listapada.
Staršynia arhkamitetu Valery Ŭchnaloŭ skazaŭ, što marš atrymaŭsia i jahonyja mety byli dasiahnutyja.
«Akcyja prajšła spakojna i mirna, kali nie ličyć čysta pravakacyjnych dziejańniaŭ z boku moładzievych radykalnych arhanizacyj. Na Sacyjalnym maršy my ŭbačyli sotni novych tvaraŭ, šmat chto padychodziŭ da mianie i prasiŭ vystupić na mitynhu. Niekatoryja pakidali nam kantakty. Našy idei padtrymlivajucca ludźmi. 16 śniežnia my planujem pravieści šerah sacyjalnych pikietaŭ pa ŭsioj krainie» — zaznačyŭ V.Uchnaloŭ.
Namieśnik staršyni Partyi BNF Viktar Ivaškievič zrabiŭ z vosieńskich vuličnych akcyj apazycyi nastupnyja vysnovy:
«Dziakujučy prapanavanamu nami ŭładam dyjalohu, cisku Eŭrasajuzu i mužnaści ludziej, što vychodzili na płoščy, my damahlisia prava na svabodu demanstracyj. Upieršyniu ź minułaha hodu było źniataje tabu z Kastryčnickaj płoščy. Najpierš heta źviazana z tym, što ŭłady vielmi zaležać ad eŭrakredytaŭ. Razam z tym, nie spyniajecca taktyka drobnych pravakacyj. Na Eŭrapiejskim maršy złamali mihałku ŭ milicejskaj mašynie, ciapier — učynili paboišča. Jašče siońnia absalutna vidavočna, što ideju eŭrapiejskaj intehracyi treba nasycić sacyjalnym źmiestam» — skazaŭ V.Ivaškievič.
Incydent z bojkaj miž pravaradykalnaj «Biełaj volaj» i anarchistami Ivaškievič acaniŭ tak:
«Heta marhinalnyja hrupy, jakija nia mohuć vyznačyć svajo miesca na palityčnaj arenie krainy. Usie hetyja militarysckija hrupy znachodziacca pad kaŭpakom KDB. Specsłužby vykarystoŭvajuć ich u metach pravakacyj. I heta budzie praciahvacca da toj pary pakul chłopcy nie zajmiejuć jasnuju i adkrytuju pazycyju. Va ŭčorašniaj bojcy ŭdzielničali niesurjoznyja anarchisty i fašysty. Da surjoznych im jašče raści i raści», — zaznačyŭ V. Ivaškievič.
Kamientary