Jak pavysić kancentracyju na pracy: 7 paradaŭ dyjetołaha

1. Ješcie rehularna

Ješcie rehularna i nie rabicie vialikich pierapynkaŭ pamiž pryjomami ježy. Pierakusvajcie kožnyja 2-3 hadziny.

2. Sačycie za pamieram porcyj

Nia ješcie zanadta vialikija porcyi i nie źjadajcie zaraz zašmat praduktaŭ z vysokim utrymańniem tłušču.

3. Sačycie za kolkaściu vypitaj vadkaści

Abiazvodžvańnie moža pryvieści da straty kancentracyi. Vypivajcie jak minimum šklanku vadkaści (vady, harbaty) kožnyja 2 hadziny. Kali takoj zvyčki niama, ustalujcie napamin, naprykład, na svaim telefonie.

4. Nie dapuskajcie skokaŭ cukru ŭ kryvi

Uzrovień hlukozy ŭ kryvi naŭprost źviazany sa spažyvańniem vuhlavodaŭ. Tak zvanyja «chutkija vuhlavody» spryjajuć tamu, što hlukoza chutka vyłučajecca ŭ kroŭ, u vyniku čaho čałaviek atrymlivaje pryliŭ enerhii. Adnak praz karotki čas uzrovień hlukozy ŭ kryvi dramatyčna padaje, što pryvodzić litaralna da zaniapadu ahulnaha ŭzroŭniu enerhii. «Pavolnyja» vuhlavody, adpaviedna, pavolna vypuskajuć hlukozu ŭ kroŭ i, takim čynam, uzrovień zastajecca stabilnym. «Chutkija» (= «drennyja») vuhlavody znachodziacca ŭ sałodkich prysmakach, apracavanych charčovych praduktach, limanadzie, stałovym cukry, praduktach ź biełaj muki (chleb, makarony, piečyva, tarty). Razumna paźbiahać hetych praduktaŭ.

Kali vam nadta chočacca piečyva, dyk lepš źjeści jaho paśla kompleksnaha pryjomu ježy, u hetym vypadku vyzvaleńnie cukru ŭ kroŭ budzie zapavolenym.

«Pavolnyja» (= «dobryja») vuhlavody znachodziacca ŭ praduktach z vysokim utrymańniem charčovaha vałakna: sucelnym zbožžy, babach, sačavicy, harochu, harodninie, sadavinie, arechach, siemkach, pšaničnym votrubji.

5. Dazvolcie sabie kubak kavy

Navukova dakazana, što kava časova palapšaje kahnityŭnyja zdolnaści, kancentracyju i pamiać. Adnak, čym čaściej i bolš my pjem kavy, tym mienš prykmietny jaje efiekt.

Starajciesia nie pieravyšać limit 4 kubki kavy na dzień.

Kali ŭ vas padvyšanaja adčuvalnaść da kavy, kali vy drenna śpicie paśla jaje, to nie picie kavu paśla abiedu. Darečy, niadaŭna navukoŭcy ŭstalavali cikavy fakt: najlepšy stanoŭčy efekt kavy dasiahajecca, kali vypivać jaje pamiž 10 i 11 hadzinami ranicy.

6. Dazvolcie sabie kavałačak šakaładu

Ciomny šakaład dobraj jakaści spryjaje pavyšeńniu kancentracyi ŭ dziaciej i darosłych. Heta nie tyčycca małočnaha šakaładu, jaki ŭtrymlivaje adnosna małuju kolkaść polifienołaŭ, jakim prypisvajucca hetyja vyšej apisanyja jakaści.

7. Ekzatyčnaja parada: huarana

Huarana – heta pavojnaja raślina, jakaja raście ŭ rajonie Amazonki ŭ Brazilii. Svaju viadomaść huarana nabyła dziakujučy svaim pładam, jakija pa pamiery i funkcyi nahadvajuć kavavaje ziernie. Huarana paskaraje abmien rečyvaŭ i spryjaje pavyšeńniu enerhii. U časie navukovych ekśpierymientaŭ było vyjaŭlena, što spažyvańnie huarany spryjaje bolš efiektyŭnamu rašeńniu zadač, jakija patrabujuć kancentracyi i ŭvahi. Akramia taho, nazirajecca palapšeńnie pamiaci. Huarana ŭtrymlivaje vialikuju kolkaść kafieinu i moža adyhrać rolu «naturalnaha narkotyka», heta značyć vyklikać pryliŭ praciahłych eŭfaryčnych adčuvańniaŭ. Ja nie rekamienduju pieravyšać daziroŭku 1 čajnaja łyžka na dzień.

X

• 0
• 0
• 0
• 0
• 0
• 0
• 0
• 0