U Astanie pačałosia pasiadžeńnie Vyšejšaha Jeŭrazijskaha ekanamičnaha savieta na ŭzroŭni kiraŭnikoŭ dziaržaŭ u vuzkim farmacie. U pasiadžeńni prymajuć udzieł Nursułtan Nazarbajeŭ, Uładzimir Pucin i Alaksandr Łukašenka, paviedamlaje zakon.kz
«Važnym momantam źjaŭlajecca toje, što na ŭsich uzroŭniach pryniaćcie rašeńniaŭ arhanizacyjaj ŭkaraniajecca pryncyp kansiensusu.
Takim čynam, hołas kožnaj krainy budzie vyznačalnym. Kadravaja palityka budzie pabudavana z ulikam pryncypu roŭnych bakoŭ i na konkursnaj asnovie dla pryciahnieńnia da hetaj važnaj pracy kvalifikavanych śpiecyjalistaŭ», — skazaŭ N. Nazarbajeŭ, jaho słovy cytuje sajt premjer-ministra Kazachstana.
Kiraŭnik Kazachstana padkreśliŭ, što damova nakiravana na vyrašeńnie zadač pa pavyšeńnie dabrabytu i jakaści žyćcia hramadzian našych dziaržaŭ.
«Upeŭnieny, što stvareńnie JEAES stanie mahutnym stymułam dla raźvićcia usiebakovaj madernizacyi i vyvodziny našych krain na viadučyja pazicyi ŭ śviecie», — adznačyŭ kiraŭnik Kazachstana.
«Siońnia my razam stvarajem mahutny pryciahalny centr ekanamičnaha raźvićcia, bujny rehijanalny rynak, jaki abjadnoŭvaje bolš za 170 młn čałaviek.
Naš sajuz vałodaje vielizarnymi zapasami pryrodnych resursaŭ, u tym liku enierhietyčnych. Na jaho prychodzicca piataja častka suśvietnych zapasaŭ hazu i amal 15% nafty. U krain, jakija ŭvachodziać u jaho, u toj ža čas raźvita pramysłovaść, industryjalnaja baza, mahutny kadravy, intelektualny i kulturny patencyjał.
Hieahrafičnaje stanovišča dazvalaje nam stvarać transpartna-łahistyčnyja maršruty, nie tolki rehijanalnaha, ale i hłabalnaha značeńnia, zaviazvać na siabie maštabnyja handlovyja patoki Jeŭropy i Azii. Usio heta - załoh kankurentazdolnaści našaha abjadnańnia, jaho dynamičnaha raźvićcia», — padkreśliŭ u svaju čarhu prezident RF Uładzimir Pucin.
«Damova ab JEAES całkam hatova da padpisańnia», - reziumavaŭ U. Pucin.
***
Paśla sustrečy ŭ vuzkim farmacie da pasiadžeńnia ŭ pašyranym składzie dałučacca kiraŭniki dziaržaŭ — naziralnikaŭ — prezident Armienii Sierž Sarhsian i prezident Kyrhyzstana Ałmaźbiek Atambajeŭ
Čakajecca, što akramia padpisańnia Damovy ab stvareńni Jeŭrazijskaha ekanamičnaha sajuza ŭ chodzie pieramoŭ budzie razhledžana pytańnie pašyreńnia jeŭrazijskaha intehracyjnaha pracesu. Płanujecca abmierkavańnie chodu padrychtoŭki dahavora ab dałučeńni Armienii da JEAES i razhlad darožnaj karty pa dałučeńni Kyrhyzstana da Mytnaha sajuza.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary