Ofis prezidenta Litvy padtrymlivaje inicyjatyvu pastrožańnia mihracyjnaj palityki
Daradca Naŭsiedy adznačaje, što hłabalizacyja ŭžo vyklikaje peŭnaje razdražnieńnie i ŭ inšych jeŭrapiejskich krainach.
Ofis prezidenta Litvy padtrymlivaje inicyjatyvu mera Vilni Vałdasa Biankunskasa pa zbory podpisaŭ za ŭmacavańnie mihracyjnaj palityki, paviedamiŭ hałoŭny daradca krainy Dejvidas Matulonis, piša Delfi.lt.
«Jak vy zaŭvažyli, my taksama prytrymlivajemsia bolš žorstkaj mihracyjnaj palityki. Heta prapanova vyhladaje niadrenna, bo sapraŭdy tyja ludzi, jakija žyvuć tut i chočuć intehravacca, pavinny vyvučać litoŭskuju movu», — skazaŭ Matulonis u intervju Žinių radijas.
«Ale heta tolki adzin bok miedala. Nasamreč nam treba dumać pra inšyja, bolš hnutkija varyjanty mihracyi, kab my mahli zadavalniać patreby biźniesu, ale ŭ toj ža čas nie stvarać unutranaj napružanaści ŭ hramadstvie», — dadaŭ jon.
Daradca kiraŭnika dziaržavy adznačaje, što hłabalizacyja ŭžo vyklikaje peŭnaje razdražnieńnie i ŭ inšych jeŭrapiejskich krainach.
«Mahčyma, my nie da kanca ŭśviedamlajem, što multykulturalizm i hłabalizm u Jeŭropie ŭžo vyklikajuć peŭnaje razdražnieńnie. I, pa sutnaści, peŭnyja krajnie pravyja siły ŭzmacniajucca mienavita praz supraćstajańnie hetym idejam. Tamu rana ci pozna nam, vierahodna, daviadziecca ŭśviadomić, što abmiežavańnie i rehulavańnie mihracyi — heta vielmi važnaja śfiera, jakuju my nie možam ihnaravać», — padkreśliŭ jon.
U pačatku maja Vałdas Biankunskas nasuprać Ministerstva ŭnutranych spraŭ arhanizavaŭ kampaniju pa zbory podpisaŭ za ŭmacavańnie mihracyjnych umoŭ. Tady jon zajaviŭ, što na praciahu apošniaha miesiaca sprabavaŭ dastacca da ministra Uładzisłava Kandratoviča z prośbaj abmierkavać pierahlad mihracyjnaj palityki, ale, pavodle jaho słoŭ, nie atrymaŭ adkazu.
Krychu raniej ministr unutranych spraŭ atrymaŭ i aficyjny zvarot ad Biankunskasa z prapanovaj unieści ŭ Siejm Litvy padrychtavanyja im papraŭki da zakona, jakija praduhledžvali b padaŭžeńnie časovaha vidu na žycharstva ŭ Litvie praz try hady tolki dla tych inšaziemcaŭ, jakija vałodajuć dziaržaŭnaj movaj jak minimum na ŭzroŭni A2 i majuć dakumient, jaki heta paćviardžaje.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary
Ale zamiž taho, kab rašać prablemy, litoŭskija šavinisty va ŭładzie viaščajuć pra pahrozu litvinizmu, a sapraŭdnuju pracu zamianiajuć na Niurnbierhskija zakony dla biełarusaŭ i antypucinskich rasiejcaŭ. Sapraŭdny kłopat pra biaśpieku padmianiajecca ślapoj naiŭnaj vieraj u "Bundeśvier nas abaronić".
Ale doŭha heta burbałka nadźmuvacca nie zmoža. Napieradzie fijaska.
U nas naradžalnaść katastrafičnaja i emihracyja z krainy šalonaja.