U piatnicu ŭ kasach «Aščadbanka» pradstaŭniki spartyŭnaj elity Ukrainy nabyli kaznačejskija ablihacyi «Vajskovyja»: pa tysiačy hryŭniaŭ za štuku, pad 7 pracentaŭ hadavych. Niekatoryja kupili pa adnoj, niekatoryja – uziali bolš. Usie vyručanyja «Aščadnym bankam» hrošy pojduć na patreby armii.
Pa słovach ministra moładzi i sportu Ukrainy Dźmitryja Bułatava, pieraličać sabranyja srodki ŭ samy bližejšy čas: «Heta budzie kantralavacca mnohimi dziaržaŭnymi orhanami. Tak što, budźcie ŭpeŭnienyja, da kančatkovaha atrymalnika dojdzie usio da kapiejki».
U kasach banka kuplali ablihacyi hałoŭny trenier «Dynama» Siarhiej Rabroŭ, tenisist Alaksandr Dałhapołaŭ, bijatłanistka Julija Džyma, fiechtavalščyca Volha Charłan, barec Žan Bieleniuk, ciažkavahavik Alaksiej Torochcij i mnohija inšyja pradstaŭniki ŭkrainskaha sportu. Usiaho - kala 50 čałaviek.
«Čym mahu, tym i dapamahaju našaj armii, taksama jak i ŭsie futbalisty«Dynama», - padzialiŭsia svaimi matyvami Siarhiej Rabroŭ. - Na žal, hulcy nie zmahli pryjechać, jany ŭsie ŭ adpačynkach, ale ja z zadavalnieńniem zrabiŭ heta za ich. Raniej dasyłaŭ sms-ki ŭ padtrymku našaj armii (pa 5 hryŭniaŭ za adno paviedamleńnie), ciapier dapamoh tak. Dla mianie nie važna, jakija tam pracenty ŭ hetych ablihacyj i mnie, uvohule niama roźnicy, na što kankretna buduć vydatkavanyja hetyja hrošy, hałoŭnaje, kab ŭkrainskija vajskoŭcy adčuvali našu nie tolki maralnuju, ale i materyjalnuju padtrymku, kab razumieli, što kraina za ich, što ŭsie pieražyvajuć i spadziajucca na mir».
Kamientary